យោងតាមសារព័ត៌មាន Straits Times បានឲ្យដឹងថា រោងចក្រកែឆ្នៃមួយនៅខេត្តសារ៉ាបូរី ប្រទេសថៃ បានកំពុងចរាចរលក់មុខដែលប្រើរួចយកមកផលិតជាថ្មី។
ប៉ូលីសបានវាយឆ្មក់ចូលរោចចក្រនេះ កាលនៅថ្ងៃទី ២ ខែមីនា ដែលជាកន្លែងកែច្នៃម៉ាសរប្រើរួចដោយខុសច្បាប់ តាមរយៈអ៊ុតម៉ាសទាំងនោះមុនពេលបត់ចូលក្នុងប្រអប់ ដើម្បីមើលទៅដូចជាថ្មី និងមិនទាន់ប្រើ។
ពួកគេបានរកឃើញកម្មករចំនួន ៦ នាក់ ដែលកំពុងវេចខ្ចប់ម៉ាសកែច្នៃទាំងនេះដែលត្រូវបានចោទប្រកាន់ថា បានមកពីអ្នកដើរប្រមូលចែកចាយដែលមានប្រភពដើមមិនស្គាល់។
ប៉ូលីសបាននិយាយថា កម្មករបាននិយាយថា ពួកគេទទួលបានប្រាក់ឈ្នួល ១ បាត ក្នុងមួយដុំ ខណៈពេលដែលពួកគេកែឆ្នៃម៉ាសប្រហែល ៣០០-៤០០ ក្នុងមួយថ្ងៃសម្រាប់មនុស្សម្នាក់ ។
ប៉ូលីសបន្តថា ពួកគេបានទាក់ទងទៅមន្ត្រីសុខាភិបាលសាធារណៈ Wihandaeng ដើម្បីដាក់ការចោទប្រកាន់នៅឯប៉ុស្តិ៍ប៉ូលីស ប្តឹងទៅលើរោងចក្រនេះ ព្រោះប្រតិបត្តិការរបស់ពួកគេអាចធ្វើឱ្យអន្តរាយដល់សុខភាពមនុស្សដែលទិញម៉ាស ក៏ដូចជាអ្នកនៅសហគមន៍ក្បែររោងចក្រផងដែរ ។
មន្ត្រីបានដកហូតម៉ាសទាំងអស់នៅរោងចក្រនោះ ហើយបានបញ្ជូនគំរូមួយចំនួនទៅក្រសួងពាណិជ្ជកម្ម ដើម្បីស្រាវជ្រាវរកប្រភពដើម។
សូមបញ្ជាក់ថា ករណីនេះទាំងអស់នេះបានកើតឡើង គឺបន្ទាប់ពីប្រទេសថៃបានប្រឈមមុខនឹងកង្វះខាតម៉ាសការពារ ចំពេលមានការផ្ទុះឡើងនៃ Covid-19 ។ បច្ចុប្បន្ននេះ ប្រទេសនេះមានចំនួន ៤៣ ករណីនៃជំងឺនេះ។ ភាគច្រើននៃអ្នកដែលឆ្លងជំងឺនេះ គឺទេសចរចិន ឬ ជនជាតិថៃដែលបានទាក់ទងជាមួយអ្នកដំណើរ ៕
ប្រែសម្រួលដោយ៖ លឹម ហុង (ប្រភព៖ worldofbuzz)
