ដូចដែលប្រិយមិត្ត និងមហាជន បានរំជួលចិត្តរួចហើយ ដែលកាលពីរសៀលថ្ងៃម្សិលមិញនេះ (ទី០២ ខែមីនា) មានហេតុការណ៏ អគ្គិ ភ័ យ មួយ បានឆា ប ឆេះ តូបផ្សាររបស់ប្រជាពលរដ្ឋយ៉ាងសន្ធោសន្ធៅ ស្ថិតនៅត្រង់ចំណុចផ្សារក អណ្ដេីក ស្រុកកំពង់ត្របែក ខេត្តព្រវែង ដែលបណ្ដាលធ្វើឲ្យមួយគ្រួសារឪពុកម្តាយកូនៗត្រូវភ្លើងទាំងអស់ ក្នុងនោះកូនប្រុសស្រីបងប្អូនបង្កើតត្រូវស្លាប់យ៉ាងអាណោចអាធមនៅក្នុងភ្នក់ភ្លើង។
យ៉ាងណាមិញ ក្រោយឃើញពីហេតុការណ៍ដ៏សង្វេកបំផុតនេះផងដែរ អ្នកស្រី ទ្រី ដាណា បានបង្ហោះនៅលើទំព័រហ្វេសប៊ុករបស់ខ្លួនកាលពីល្ងាចម្សិលមិញថា អ្នកស្រីនឹងទៅជួបដោយផ្ទាល់ ដើម្បីជួយដល់គ្រួសារដែលត្រូវភ្លើងឆេះទាំងអស់ បាត់បង់កូនជាទីស្រលាញ់ទាំង២នាក់ ។
ជាក់ស្តែង ប៉ុន្មានម៉ោងមុននេះ អ្នកស្រី ទ្រី ដាណា និងស្វាមី បានចុះទៅជួបផ្ទាល់ស្ត្រីជាម្តាយកំពុងសង្គ្រោះនៅក្នុងមន្ទីរពេទ្យ ខណៈប្តីរបស់គាត់ដោយសាររបួសធ្ងន់ធ្ងរពេក ត្រូវបានបញ្ជូនទៅសង្គ្រោះនៅឯប្រទេសវៀតណាម ។
ក្រោយជួប និងឧបត្ថម្ភជាថវិកាចំនួន ១ ពាន់ដុល្លារ រួចហើយ ដើម្បីជួយសម្រាលដល់ការសម្រាកព្យាបាល អ្នកស្រីបានសរសេររៀបទាំងអួលដើមកនៅលើទំព័រហ្វេសប៊ុកអ្នកស្រីយ៉ាងដូច្នេះថា៖ «គាត់នៅមិនទាន់ដឹងថា កូនស្រីជាទីស្រលាញ់ម្នាក់ទៀតបាត់បង់ជីវិតទេ ហើយក៏មិនទាន់ដឹងថាប្ដីរលាកធ្ងន់ពេក គេយកទៅវៀតណាមហើយដែរ។ បងប្អូនគាត់ថា គាត់យំរហូតហើមភ្នែកបើកមិនរួច តាំងពីល្ងាច ហើយពេលខ្ញុំទៅក៏នៅតែយំ ទាំងមិនឃើញអ្វីទាំងអស់។ ?
លើកទឹកចិត្តគាត់ថា បងស្រីត្រូវរឹងមាំ គង់តែជាទេ កូន និងប្ដីមិនអីទេ ពេទ្យមើលថែបានល្អហើយ តែតាមពិតខ្លួនឯងចង់ស្រក់ទឹកភ្នែកហើយ តឹងទ្រូងណាស់។ មិនមែនសាច់ញាតិ មិនមែនបងប្អូនទេ តែឱ្យតែឃើញគ្រប់គ្នាជួបរឿងចឹងៗ ចេះតែអាណិត សង្វេគ។ ???
មានតែជួយជាកម្លាំងចិត្ត សង្ឃឹមថាគាត់អាចជាឆាប់ៗ អាចទទួលយករឿងនេះបាន។» ៕ ដោយ៖ លឹម ហុង
