ចំនួនអ្នកស្លាប់ដោយសារវីរុសកូរ៉ូណានៅអាមេរិច កើនដល់ ៩នាក់ហើយនៅថ្ងៃអង្គារនេះ (ថ្ងៃពុធនៅកម្ពុជា) ដែលអ្នកស្លាប់ទាំងអស់គឺស្ថិតក្នុងរដ្ឋ Washington។
ចំណែកអ្នកឆ្លងវីរុសមរណៈនេះទូទាំងប្រទេសមានចំនួនច្រើនជាង ១០០ករណី។
ប្រធានាធិបតីអាមេរិច ដូណាល់ ត្រាំ បានធ្វើដំណើរទៅកាន់វិទ្យាស្ថានសុខាភិបាលជាតិ ដើម្បីពិនិត្យមើលការវិវត្តន៍នៃកិច្ចប្រឹងប្រែងក្នុងការបង្កើតវ៉ាក់សាំង ។
លោកបានថ្លែងថា បច្ចុប្បន្ន រដ្ឋាភិបាលមិនបានពិនិត្យមើលលើការរឹតបន្តឹងការធ្វើដំណើរនោះឡើយ និងបានចាត់ទុករដ្ឋវ៉ាស៊ីនតោនជាតំបន់គ្រោះថ្នាក់។
សូមបញ្ជាក់ថា រហូតមកដល់ពេលនេះ វីរុសកូរ៉ូណា ឬ COVID-19 បានសម្លាប់ជីវិតមនុស្សចំនួនជិត ៣.២០០នាក់ទូទាំងពិភពលោក និងបានចម្លងទៅកាន់មនុស្សជិត ១០០.០០០សែននាក់។ អ្នកជាសៈស្បើយពីវីរុសមរណៈនេះ ដែលផ្ទុះចេញពីប្រទេសចិន មានជាង ៥០.០០០នាក់៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsaisa