ខេត្តស្វាយរៀងៈ បុរសម្នាក់បានរងរបួសធ្ងន់ ចំណែកស្ត្រីម្នាក់បានរងរបួសស្រាល នៅក្នុងករណីគ្រោះថ្នាក់ចរាចរណ៍មួយ រវាងម៉ូតូនិងម៉ូតូ កាលពីវេលាម៉ោង៦ព្រឹក ថ្ងៃទី៤ ខែមីនា ឆ្នាំ២០២០ នៅភូមិកោះក្បានខាងជើង ឃុំសំរោង ស្រុកចន្រ្ទា ខេត្តស្វាយរៀង។
សមត្ថកិច្ចបានឱ្យដឹងថាៈ ករណីគ្រោះថ្នាក់ចរាចរណ៍បណ្តាលឱ្យមនុស្ស២នាក់បានរងរបួសធ្ងន់ និងស្រាល ទី១/ឈ្មោះ អ៊ូរ ធឿន ភេទ ស្រី អាយុ៣៣ឆ្នាំ ជនជាតិខ្មែរ រស់នៅភូមិកោះគោ ឃុំ ព្រៃគគីរ ស្រុកចន្រ្ទា ខេត្តស្វាយរៀង បើកម៉ូតូម៉ាកស៊ីរ៉ូស ពណ៌ក្រហមខ្មៅ ផ្លាកលេខ ភ្នំពេញ FG 5435 បើកពីត្បូងទៅជើង មានដឹកអីវ៉ាន់លក់ដូរ បណ្តាលឲ្យរងរបួសស្រាលទៅព្យាបាល នៅមន្ទីរពេទ្យបង្អែកជីភូ ទី២/ឈ្មោះ ថន បូរី ភេទប្រុស អាយុ១៧ឆ្នាំ រស់នៅភូមិបារាយ ឃុំមេសរថ្ងក ស្រុកចន្រ្ទា ខេត្តស្វាយរៀង បើកម៉ូតូម៉ាកវ៉េវ ពណ៌ក្រហមផ្លាកលេខ (គ្មាន ) បើកបរស្របទិសគ្នា បណ្តាលឲ្យរងរបូសធ្ងន់ (បាក់ភ្លៅខាងស្តាំ) បងប្អូនយកទៅព្យាបាលនៅមន្ទីរពេទ្យប្រទេសវៀតណាម។
ប្រភពដដែលបានបន្តថាៈ មូលហេតុឈ្មោះ ថន បូរី បើកបរលឿនពេក មិនប្រុងប្រយ័ត្នក៏ជ្រុលទៅបុកម៉ូតូស្ត្រីដឹកអីវ៉ាន់ពីក្រោយតែម្តង។ ហើយបច្ចុប្បន្នវត្ថុតាង បានយកទៅរក្សាទុកនៅប៉ុស្តិ៍សំរោងជាបណ្តោះអាសន្ន៕ដោយ៖ វ៉ៃកូ