ភ្នំពេញ៖ មន្ត្រីនគរបាលមួយរូប បានថ្លែងថា មិនមែនជាមុខសញ្ញារស់នៅក្នុងក្រុងស្រុកណាមួយ នៃខេត្តត្បូងឃ្មុំនោះទេ ប៉ុន្តែសូមបងប្អូនមានប្រុងប្រយ័ត្នខ្ពស់ និងសហការជាមួយនគរបាលជានិច្ច។
អធិការដ្ឋាននគរបាលស្រុកមេមត់ បានបញ្ជាក់ថា នៅរសៀលថ្ងៃទី ៤ មីនា ២០២០ នេះ Page ស្ថានិយ៍វិទ្យុ និងទូរទស្សន៍មហាផ្ទៃ បានប្រកាសសូមឲ្យបងប្អូនប្រជាពលរដ្ឋ រាយការណ៍ទៅសមត្ថកិច្ចភ្លាម បើឃើញមុខសញ្ញាគួរឲ្យសង្ស័យ មានភិនភាគដូចក្នុងរូបទាំង ១៧ នាក់ ខាងក្រោយនេះ ព្រោះនគរបាលយុត្តិធម៌បានកំពុងស្វែងរកតាមចាប់ខ្លួន យោងតាមដីការរបស់តុលាការ បង្គាប់ឲ្យចាប់ខ្លួន យកទៅផ្តន្ទាទោសដាក់ពន្ធនាគរតាមនីតិវិធី ។
អធិការដ្ឋាននគរបាលស្រុកមេមត់ បានបញ្ជាក់ថា “ដូច្នេះសូមបងប្អូនប្រជាពលរដ្ឋរស់នៅក្នុងស្រុកមេមត់ ក៏ដូចក្នុងខេត្តត្បូងឃ្មុំទាំងមូល មេត្តាប្រុងប្រយ័ត្ននូវទ្រព្យសម្បត្តិ កុំឲ្យមានការធ្វេសប្រហែស និងត្រូវសហការជាមួយនគរបាល ដែលនៅជិតលោកអ្នកបំផុត ដើម្បីបង្ក្រាបរាល់ករណីដែលកើតមានឡើង បានទាន់ពេលវេលា ធ្វើឲ្យរក្សាបាននូវសន្តិសុខល្អក្នុងភូមិ.ឃុំយើង ក៏ដូចរក្សាបាននូវទ្រព្យសម្បត្តិរបស់ក្រុមគ្រួសារនីមួយៗ “។
អធិការដ្ឋាននគរបាលស្រុកមេមត់ សូមបញ្ជាក់ ៖ មុខសញ្ញាគួរឲ្យសង្ស័យទាំងនេះ មិនមែនជាមុខសញ្ញាដែលរស់នៅក្នុងស្រុកមេមត់ ឬក្នុងក្រុង.ស្រុកណាមួយ នៃខេត្តត្បូងឃ្មុំនោះទេ ហើយក៏មិនធ្លាប់ប្រព្រឹត្តបទល្មើសនៅក្នុងភូមិសាស្ត្រខេត្តត្បូងឃ្មុំយើងឡើយ ។ ខ្ញុំបាទទទួលព័ត៌មាននេះពី Page ស្ថានិយ៍វិទ្យុ និងទូរទស្សន៍មហាផ្ទៃ ប្រកាសតាមចាប់ខ្លួនទើបខ្ញុំយកមកបង្ហោះបន្ត ដើម្បីដាស់តឿនឲ្យបងប្អូនប្រជាពលរដ្ឋមានស្មារតីប្រុងប្រយ័ត្នខ្ពស់ ហើយសូមធ្វើសហការជាមួយនគរបាលដែលនៅជិតលោកអ្នកបំផុត ព្រោះពួកវាអាចរត់គេចខ្លួនមកសម្ងំលាក់ខ្លួន ធ្វើសកម្មភាពនៅក្នុងទឹកដីខេត្តយើងបាន៕ដោយ៖កូឡាប