ភ្នំពេញ៖ ក្រសួងព័ត៌មានបានចេញប្រកាសព័ត៌មាន ប្រាប់ទៅលោកឃឿន សុឡា ម្ចាស់គេហទំព័រ K01 បញ្ឈប់ការផ្សព្វផ្សាយព័ត៌មានឯកជនរបស់បុគ្គល ភ្ជាប់ជាមួយនូវអត្តសញ្ញាណដូចជារូបថត ឈ្មោះថ្ងៃខែឆ្នាំកំណើត ដោយពុំមានការយល់ព្រមពីសាម៉ីខ្លួន ឬក្រុមគ្រួសារជនរងគ្រោះ។
អគ្គនាយកដ្ឋានព័ត៌មាន និងសោតទស្សន៍ ចាត់ទុកការណែនាំនេះ ជាការព្រមានជាលើកទី១ក្នុងករណីនៅតែបន្តសកម្មភាពផ្សព្វផ្សាយព័ត៌មានបែបនេះទៀត នៅថ្ងៃអនាគត អគ្គនាយកដ្ឋាននឹងចាត់វិធានការតាមផ្លូវច្បាប់ដែលមានចែងជាធរមាន។
អគ្គនាយកដ្ឋានព័ត៌មាន និងសោតទស្សន៍ ជឿជាក់យ៉ាងមុតមាំថា លោកឃឿន សុឡា ម្ចាស់គេហទំព័រ K01 គោរពបានខ្ជាប់ខ្ជូនប្រកបដោយប្រសិទ្ធភាព តាមការណែនាំខាងលើ៕ដោយ៖កូឡាប
