ប្រទេសកូរ៉េខាងត្បូងនៅថ្ងៃសុក្រនេះ បានប្រកាសថាមានអ្នកឆ្លងវីរុសកូរ៉ូណាបន្ថែមទៀតចំនួន ១៩៦នាក់ បណ្តាលឲ្យតួលេខនៃអ្នកឆ្លងសរុបទូទាំងប្រទេសកើនដល់ ៦.២៨៤ករណី។ នេះបើតាមការឲ្យដឹងរបស់មជ្ឍមណ្ឌលបង្ការ និងគ្រប់គ្រងជំងឺ។
ស្ថាប័ននេះបញ្ជាក់ទៀតថា មានអ្នកស្លាប់ថ្មីចំនួន ៧នាក់ ហើយតួលេខនៃអ្នកស្លាប់សរុបកើនដល់ ៤២នាក់។
ក្នុងរយៈពេលប៉ុន្មានសប្តាហ៍នេះ វីរុសមរណៈនេះមានការរាតត្បាតខ្លាំងនៅក្នុងប្រទេសកូរ៉េខាងត្បូង ហើយប្រទេសយ៉ាងតិចចំនួន ១៩២នាក់ បានធ្វើការរឹតបន្តឹងអ្នកដំណើរដែលមកពីប្រទេសកូរ៉េខាងត្បូងចូលក្នុងប្រទេសរបស់ខ្លួន។ នេះបើតាមការចុះផ្សាយរបស់សារពត៌មានកូរ៉េខាងត្បូង Yonhap។
ជប៉ុន នៅថ្ងៃព្រហស្បតិ៍ម្សិលមិញនេះ បាននិយាយថា ខ្លួនមានគម្រោងដាក់ ដាក់អ្នកដំណើរទាំងឡាយណាដែលធ្វើដំណើរមកពីចិន និងកូរ៉េខាងត្បូងអោយនៅដាច់ដោយឡែករយៈពេល ២សប្តាហ៍ ដើម្បីបង្ការការចម្លងវីរុសកូរ៉ូណា។
ជុំវិញបញ្ហានេះ កូរ៉េខាងត្បូងបានធ្វើការតវ៉ាទៅនឹងការសម្រេចចិត្តរបស់ជប៉ុន និងបានហៅវាថា ជាវិធានការមិនសមហេតុផល និងជារឿងគួរឲ្យសោកស្តាយ៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia
