ភ្នំពេញ៖ វាចាលើផេកហ្វេសប៊ុកផ្លូវការ Kanharith Khieu នៅថ្ងៃទី៦មីនានេះ លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន បានដាស់តឿនមន្ត្រីក្រោមឱវាទមួយចំនួន ពេលបាត់ប្រាក់ខែតែ ៥កាក់ នាំគ្នាស្រែកបែកហ្វេសប៊ុក ខណៈមន្ត្រីមួយចំនួនោះ មិនគោរពម៉ោងធ្វើការ បាត់ម៉ោងធ្វើការ អញមិនដឹង។
លោករដ្ឋមន្ត្រីបានថ្លែងថា “ប្រហែលឃើញ ឯ.ឧ. លី វ៉ាន់ហុង បង្ហោះអាកាសយានដ្ឋាន សុវណ្ណភូមិ របស់ថៃស្ងាត់ជ្រងំ ទើបម៉ោង ៨ ព្រឹកជាងហើយ ខុទ្ទកាល័យក្រសួងព័ត៌មាន ស្ងាត់ជ្រងំ កុំឲ្យចាញ់ថៃ សូម្បីតែរដ្ឋមន្ត្រី ក៏អត់ទ្វារបើកចូលធ្វើការដែរ ។ ចង់ធ្វើធំ តែមិនចេះ ទទួលខុសត្រូវ ។ បាត់ប្រាក់ខែតែ ៥ កាក់ស្រែកបែកហ្វេសប៊ុក ។ បាត់ម៉ោងធ្វើការ អញមិនដឹង !” ៕ដោយ៖កូឡាប
