តាកែវ៖ គួអោយសង្វេកចិត្តបំផុតដែលមិនអាចទទួលយកបាននៅលើជនរងគ្រោះ២នាក់ប្តីនឹងប្រពន្ធដែលរងរបួសយ៉ាងធ្ងន់ធននឹងកំពង់តែដេកសម្រាកព្យាបាលនៅមន្ទីពេទ្យរុស្សីឯភ្នំពេញមិនដឹងជាជាយ៉ាងណាផងនោះក៏ស្រាប់តែជួបនឹងរឿងមួយទៀតបានកើតឡើងគឺផ្ទះត្រូវបានឆេះអស់គ្មានសល់អ្វីទៀតឡើយ ។ ហេតុការណ៍នេះបានកើតឡើតយប់ថ្ងៃទី០៥ ខែមីនា ឆ្នាំ២០២០ វេលាម៉ោង២១ ៣០នាទីស្ថិតក្នុងភូមិធ្នោះ ឃុំអង្គកែវ ស្រុកទ្រាំង ខេត្តតាកែវ។
លោកប៊ិច វណ្ណា អធិការរងនគរបាលស្រុកទ្រាំងបានអោយដឹងថាផ្ទះរបស់ប្រជាពលរដ្ឋដែលត្រូវអគ្គីភ័យបានលេបត្របាក់ឆេះអស់ទាំងស្រុងនោះ មានចំនួន២ខ្នងមាន ផ្ទះទី១ ឈ្មោះ មាស សាម៉នអាយុ៥៧ឆ្នាំមាន ទំហំ 5×6 ខូចខាតទាំងស្រុង មានម៉ូតូវីវ៉ា ១គ្រឿងអង្ករ ១បេមាស ៣ជីកង់ ១គ្រឿង និងសំលៀកបំពាក់ទាំងអស់ដែលជាជនរងគ្រោះកំពង់សម្រាកព្យាបាលជំងឺនៅឯមន្ទីពេទ្យរុស្សីភ្នំពេញនោះផ្ទះទី២ មានឈ្មោះ វ៉ា សារឿន អាយុ ៦០ឆ្នាំ មានទំហំ 4×5 ឆេះទាំងស្រុង ខូចខាតមានកង់ ២គ្រឿងទូរទស្សន៍ ១គ្រឿង ប្រាក់ 1,5000បាត ស្រូវអង្ករ និងសំលៀកបំពាក់ឆេះទាំងស្រុង។
លោកអធិការរងនគរបាលស្រុកបានបន្តទៀតថាដោយសាររដូវនេះជារដូវក្តៅផងនោះធ្វើអោយភ្លើងបានឆាបឆេះយ៉ាងរហ័សបំផុតជាហេតុដែលធ្វើអោយរថយន្តពន្លត់អគ្គីភ័យមិនអាចជួយសង្រ្គោះផ្ទះទាំង២ខ្នងពីអគ្គីភ័យបានឡើយហើយនៅរថយន្តពន្លត់អគ្គីភ័យទៅដល់គឺភ្លើងបានឆាប់ឆេះអស់ទៅហើយ។ បើតាមការអោយដឹងពីអ្នករស់នៅក្បែផ្ទះកើតហេតុនេះបានអោយដឹងថានេះជាទុកជាន់លើទុកហើយសម្រាប់ពូមាស សាម៉ននឹងអី វ៉ា ស្រី ដែលពេលនេះពួកគាត់បាននឹងកំពង់តែដេកសម្រាកព្យាបាលនៅមន្ទីពេទ្យរុស្សីឯភ្នំពេលដែលត្រូវគេលួចការគាត់ដល់ក្នុងផ្ទះនោះហើយពួកនេះមានកូន៣នាក់តែការចេញអស់២នាក់នៅជាមួយគាត់ម្នាក់នឹងពេលនេះនៅមើលថែពួកគាត់ដេកពេទ្យ។សាក្សីដដែលបានបន្តទៀតថាក្រុមគ្រួសារពួកគាត់នេះគាត់ធ្វើជាគ្រូខ្មែរហើយត្រូវប្រជាពលរដ្ឋក្នុងភូមិបានចោទប្រកាន់ថាចេះអាប់ធ្មប់នឹងមិនពេញចិត្តចំពោះគ្រួសារពួកគាត់គ្រប់ៗគ្នា។
គួរំលឹកផងដែរថានៅយប់ថ្ងៃទី៣ ខែមិនា ឆ្នាំ២០២០ វេលាម៉ោងជាង២៣ និង១៥នាទីមានជនសង្ស័យចំនួន២នាក់បងប្អូនបង្កើតបានជិះម៉ូតូ១គ្រឿងប្រដាប់ដោយកាំបិតក្រង៉ុកចូលទៅកាប់ប្រហាមិនប្រណីដៃទៅលើឈ្មោះមាស សាម៉ន ប្តីមានអាយុ៥៦ឆ្នាំប្រពន្ធឈ្មោះវ៉ា ស្រី អាយុ៥៧ឆ្នាំបណ្តាលអោយរងរបួសយ៉ាងធ្ងន់ធ្ងហើយត្រូវបានរថយន្តសាមុយរបស់មន្ទីពេទ្យបង្អែកខេត្តដឹកយកទៅសង្រ្គោះនៅឯមន្ទីពេទ្យរុស្សីុភំ្នពេញ។លុះព្រឹកថ្ងៃទី៤ ៣ ២០២០ ជនសង្ស័យម្នាក់ឈ្មាះម៉ម ឯម ភេទប្រុសអាយុ៣២ឆ្នាំបានចាប់ខ្លួនចំណែកឈ្មោះម៉ម អន ជាប្អូនបានរត់គេចខ្លួនបាត់ស្រមោល៕ ដោយ ៖ តាកែវ