ភ្នំពេញ៖ អធិការដ្ឋាននគរបាលខណ្ឌបឹងកេងកង បានឲ្យដឹងថា មានបុរសម្នាក់ដួលនៅជិតស្តុបបូកគោ កាលពីម៉ោងជាង៣រសៀលថ្ងៃទី៦មីនា នេះ តាមពិតគាត់ខ្មែរយើងទេ គាត់ស្រវឹងស្រាដេកដួលក្អួត។
នៅម៉ោង១៤និង៤០នាទីរសៀលថ្ងៃសុក្រនេះ មានAccount facebook មួយបានបង្ហោះថាមានជនជាតិចិនប្រកាច់ដួលនៅជិតស្តុបបូកគោនោះគឺមិនពិតទេតាមពិតអ្នកដែលដេកដួលនោះគឺជាជនជាតិខ្មែរយើងដែលគាត់ស្រវឹងតែប៉ុណ្ណោះ។
នៅម៉ោងជាង២រសៀលថ្ងៃទី៦ ខែមីនាឆ្នាំ២០២០ មានបុរសម្នាក់ជាជនជាតិខ្មែរគាត់ បានអង្គុយលើចិញ្ចើមផ្លូវព្រះមុនីវង្ស ជិតផ្លូវ៣៦០ ក្នុងសង្កាត់បឹងកេងកងទី៣ ខណ្ឌបឹងកេងកង លុះអង្គុយបានបន្តិច គាត់បានដួលក្អួតដោយសារតែ គាត់ស្រវឹងស្រាតែប្រហែល២០នាទីក្រោយមក បុរសដួលក្អួតដេកដួល បានដឹងខ្លួនវិញហើយប្រពន្ធរបស់គាត់ នៅមើលថែរគាត់ផងដែរ បន្ទាប់ពីគាត់ស្វាង ត្រូវបានប្រពន្ធនាំជិះកង់បីចេញទៅបាត់។
ពាក់ព័ន្ធនឹងករណីខាងលើនេះ អ្នកនាំពាក្យសាលារាជធានីភ្នំពេញលោក ម៉េត មាសភក្តី សូមជំរាបជូនសាធារណជន តាមរយៈបណ្តាញព័ត៌មាន ឲ្យដឹងថា ចំពោះករណីមានការភ្ញាក់ផ្អើល បុរសម្នាក់ដួលសន្លប់ នៅក្រោមដើមត្របែកព្រៃក ក្បែរផ្លូវព្រះមុនីវង្ស នៅមុខផ្ទះលេខ 693Eo សង្កាត់បឹងកេងកងទី៣ ខណ្ឌចំការមន នៅវេលាម៉ោង ៣និង៣០នាទីរសៀលថ្ងៃទី៦ ខែមីនា ឆ្នាំ២០២០នេះ គឺជាករណីស្រវឹងស្រាតែប៉ុណ្ណោះ មិនពាក់ព័ន្ធករណី Covid-19 នោះទេ។
អ្នកនាំពាក្យសាលារាជធានីភ្នំពេញ បានបញ្ជាក់ថា ប្រពន្ធរបស់គាត់មកលើករូបគាត់ឲ្យអង្គុយហើយ ប្រពន្ធគាត់ក៏បានយកប្រេងក្រឡាមករឹត ហើយបានរៀងធូរបន្តិច ទើបរូបគាត់ជាប្រពន្ធបានហៅកង់បី មកដឹងចេញទៅនៅវេលាម៉ោង៤រសៀលថ្ងៃដដែល ឆ្ពោះទៅខាងចាក់អង្រែ។
លោក ម៉េត មាសភក្តី បានថ្លែងថា ពាក់ព័ន្ធនឹងស្ថានភាពសុខភាពប្រជាពលរដ្ឋនៅរាជធានីភ្នំពេញ ជាពិសេសពាក់ព័ន្ធជំងឺ Covid-19 គឺលោកអភិបាលរាជធានីភ្នំពេញ បានតាមដានយ៉ាងយកចិត្តដាក់បំផុត និងត្រៀមចាត់វិធានការជានិច្ចលើបញ្ហានេះ និងសូមអំពាវនាវ និងស្នើសុំដល់បងប្អូនប្រជាពលរដ្ឋមេត្តា កុំជឿលើព័ត៌មានដែល មិនមាន ប្រភពច្បាស់លាស់ ដែលអាចនាំឲ្យបងប្អូនមានការយល់ច្រឡំដូចករណីខាងលើនេះ និងដូចករណីផ្សេងៗកន្លងមក និងសូមមេត្តាកុំបន្តចែកចាយនូវព័ត៌មាន ដែលមិនមានប្រភពប្រាកដប្រជា ដែលទង្វើនេះកាន់តែធ្វើឲ្យមានភ្ញាក់ផ្អើលដល់ប្រជាពលរដ្ឋ។ មានតែសូមបងប្អូនប្រជាពលរដ្ឋ មេត្តាអនាម័យទាំងអស់គ្នា ដើម្បីជៀសវាងការឆ្លងជំងឺផ្សេងៗ៕ ដោយ៖កូឡាប
