អភិបាលស្រុកអូរាំងខេត្តមណ្ឌលគីរី លោក សៀក មុន្នី និងបក្សពួកជាង១០នាក់ ត្រូវបានរកឃើញថា បានឃុបឃិតគ្នាជាប្រព័ន្ធលួចដីរដ្ឋលក់ស្មើនឹងទឹកប្រាក់រាប់សិបលានដុល្លារ ។ ក្នុងនោះ បានរៀបចំឯកសារខុសច្បាប់ វាយត្រាមុន ទាំងគ្មានថ្ងៃខែជាដើម ។
នេះបើយោងតាមប្រធានគណបក្សខ្មែរក្រោក បានបង្ហោះលើ Facebook ផ្លូវការរបស់លោក កាលពីល្ងាចថ្ងៃទី០៦ ខែមីនា ឆ្នាំ២០២០ ដោយមានខ្លឹមសារទាំងស្រុងដូចខាងក្រោម៖
«អភិបាលស្រុកអូរាំងខេត្តមណ្ឌលគីរីលួចដីរដ្ឋរាប់សិបលានដុល្លា!
ក្រោមការស្រាវជ្រាវស៊េីបអង្កេត យ៉ាងល្អិតល្អន់ ខ្ញុំបានពិនិត្យលេីភស្តុតាង ឃេីញថា អភិបាលស្រុកអូរាំង លោក សៀក មុន្នី និងបក្សពួក ជាង១០នាក់ រៀបចំឯកសារខុសច្បាប់ វាយត្រាមុន ទាំងគ្មានថ្ងៃខែ សហការគ្នាជាប្រព័ន្ធ លួចដីរបស់រដ្ឋរាប់រយហិកតា ស្មេីនឹងទឹកប្រាក់រាប់សិបលានដុល្លា ៖
មន្ត្រីពាក់ព័ន្ធដែលលួចដីរដ្ឋមានឈ្មោះដូចខាងក្រោម
1/ លោក ខាត់ សាក់ មេបញ្ជាការប្រតិបត្តិការសឹករងខេត្តមណ្ឌលគីរី មានឈ្មោះលេីឯកសារខុសច្បាប់ដេីម្បីយកដីរបស់រដ្ឋ
2/លោក សុខ សុវណ្ណារិទ្ទ ជានាយករងរដ្ធបាលសាលាស្រុកអូរាំងមានឈ្មោះលេីឯកសារខុសច្បាប់ដេីម្បីយកដីរបស់រដ្ឋ
3/លោក យាន សុខ ជាប្រធានរដ្ធបាលសាលាស្រុកអូរាំងមានឈ្មោះលេីឯកសារខុសច្បាប់យកដីរបស់រដ្ឋ
4/លោក សាលី ប៉ោ ជាមន្ត្រីក្នុងសាលាស្រុកអូរាំង មានឈ្មោះលេីឯកសារខុសច្បាប់ដេីម្បីយកដីរបស់រដ្ឋ
5/លោក ង៉ែត បុនធឿន យកពីមន្រីពន្ធនាគារខេត្តមានឈ្មោះលើឯកសារខុសច្បាប់ដេីម្បីយកដីរដ្ឋ
6/លោក កែវ ប៊ុនថន ជាអ្នកឈរឈ្មោះអោយលោកអភិបាលស្រុកអូរាំង យកមន្រីក្នុងសាលាស្រុករៀបឯកសារខុសច្បាប់យកដីរដ្ឋ
មន្ត្រីដែលពាក់ព័ន្ធក្នុងការចុះហត្ថលេខា រៀបចំឯកសារខុសច្បាប់រួមមាន
1/អភិបាលស្រុក សៀក មុន្នី «មានភស្តុតាងជាសំឡេងដែលបញ្ជាដោយខុសច្បាប់ អោយកូនចៅក្រោមឱវាទចុះហត្ថលេខា បោះត្រា លេីឯកសារដី ចំហ ថ្ងៃ ខែ ឆ្នាំ និងចំហទំហំដី» ហេីយខ្លួនឯងក៏បោះត្រាខុសច្បាប់ លេីលិខិតខុសច្បាប់
2/មេភូមិពូវ៉ាង ឈ្មោះ អ៊ុង សេរីវុទ្ធី « ចុះហត្ថលេខាខុសច្បាប់លេីលិខិតដីធ្លីរបស់រដ្ឋដោយចំហ ថ្ងៃ ខែ ឆ្នាំ និងចំហទំហំដី»
3/មេឃុំសែនមនោរម្យ ឈ្មោះ ថ្វាន់ត្រែល « ចុះហត្ថលេខាបោះត្រា ខុសច្បាប់លេីលិខិតដីធ្លីរបស់រដ្ឋដោយចំហថ្ងៃ ខែ ឆ្នាំ និងចំហទំហំដី»
4/មេភូមិពូហ្យាម ឈ្មោះ ញ៉ាង ម្យក់ « ចុះហត្ថលេខាខុសច្បាប់លេីលិខិតដីធ្លីរបស់រដ្ឋដោយចំហ ថ្ងៃ ខែ ឆ្នាំ និងចំហទំហំដី»
4/មេឃុំស្ដីទី ឈ្មោះ ច្រូត ខន « ចុះហត្ថលេខាខុសច្បាប់លេីលិខិតដីធ្លីរបស់រដ្ឋដោយចំហ ថ្ងៃ ខែ ឆ្នាំ និងចំហទំហំដី»
ករណីនេះជា ការបំពានអំណាច ជាការប្រេីអំណាចដោយទុច្ចរិតលួចយកទ្រព្យសម្បត្តិសាធារណៈរបស់រដ្ឋ ដោយមានឯកសារខុសច្បាប់ ជាភស្តុតាងសរុប ៥០សន្លឹក ។
ករណីនេះនឹងត្រូវបញ្ជូនទៅសម្ដេចអគ្គមហាសេនាបតីតេជោនាយករដ្ឋមន្ត្រីដេីម្បីពិនិត្យ។
សមាជិកឧត្តមក្រុមប្រឹក្សាពិគ្រោះ និងផ្ដល់យោបល់ពីគណបក្សខ្មែរក្រោកសូមអំពាវនាវដល់សាធារណជន សូមផ្អាក ការទិញអចលនទ្រព្យដី នៅតំបន់ស្រុកអូរាំង ខេត្តមណ្ឌលគីរី ប្រសិនជាពិនិត្យឃេីញឯកសារពាក់ព័ន្ធដូចខាងក្រោមនេះ ព្រោះនេះជាឯកសារខុសច្បាប់ទេ។»
ពាក់ព័ន្ធនឹងករណីលួចដីរដ្ឋលក់ដ៏សាហាវ ពីសំណាក់ក្រុមមនុស្សជាបក្ខពួកខាងលើនេះ បន្ទាប់មក លោក វិល្លាម ក៏បានបង្ហោះសារដ៏រសើបយ៉ាងខ្លីថា៖ «ទោះមានស្លាបក៏ពិបាកហោះ» ៕ ដោយ៖ លឹម ហុង