អ្នកនាង ឱក សុគន្ធកញ្ញ ជាកំពូលតារាចម្រៀងស្រីល្បីលំដាប់ជួរមុខ របស់ផលិតកម្មរស្មីហង្សមាស ដូចដែលប្រិយមិត្តបានដឹងស្រាប់រួចហើយ ចំពោះទេពកោសល្យសមត្ថភាពរបស់អ្នកនាង ដែលទទួលបានការគាំទ្រយ៉ាងច្រើនពីសំណាក់ប្រិយមិត្តទស្សនិកជនមិនថានៅក្នុង និងក្រៅប្រទេស ។
ពិតណាស់ តារាស្រីសម្រស់ចាំដែលជោគជ័យទាំងការងារសិល្បះ និងពិសេសជីវិតគូមួយដូងនេះ គេកម្រឃើញសុគន្ធកញ្ញា និយាយពីរឿងក្នុងចិត្ត និងជីវិតផ្ទាល់ខ្លួនជាសាធារណៈនោះឡើយ ដែលគេតែងតែឃើញអ្នកនាងបង្ហាញអារម្មណ៍សប្បាយៗ ជាមួយបទចម្រៀងថ្មីៗប៉ុណ្ណោះ ។
ដោយឡែក ថ្មីៗនេះ អ្នកនាង ឱក សុគន្ធកញ្ញា បានធ្វើឲ្យមហាជន ជាពិសេសអ្នកគាំទ្រ មានការភ្ញាក់ផ្អើលជាខ្លាំង ខណៈឃើញអ្នកនាងបង្ហោះសារដាស់តឿនខ្លួនឯងគួរឲ្យប្លែក តាមរយៈបណ្តាញសង្គមហ្វេសប៊ុកយ៉ាងដូច្នេះថា៖
«មានរឿងខ្លះយើងមិនបានប្រាថ្នា តែបែជាបាន ខ្ញុំជាមនុស្សមិនមែនទេវតាចង់ធ្វើអ្វី ជប់បាននោះទេ បើមិនប្រឹងធ្វើ ទាំងថ្ងៃទាំងយប់ ភ្លេចបាយភ្លេចទឹក ភ្លេចសម្រាកនោះទេ.. វាពិតជាមិនសម្រេចបានឡើយ ប្រឹងធ្វើស្ទើរដាច់ខ្យល់
ពេលខ្លះទទួលផលបានតែបន្តិច ស្ទើរគ្មានកំលាំងធ្វើបន្ត តែយ៉ាងណាក៏ដោយ បានជាកើតមកហើយ គ្មានជម្រើសទេ បើមិនធ្វើនេះ ក៏ត្រូវតែធ្វើនោះដែរ ចឹងឈប់ពិចារណាច្រើនមានអីធ្វើហ្នឹងទៅ
ចង់មានចង់បានចង់ល្អ ខំទៅ គេមិនប្រើក៏ប្រឹងធ្វើទៅ ទើបគេមើលឃើញ ok សូមចប់ត្រឹមហ្នឹង រាត្រីសួស្តី សារដាស់តឿនខ្លួនឯងមុនចូលគេង» ៕ ដោយ៖ លឹម ហុង
