ប្រព័ន្ធផ្សព្វផ្សាយរដ្ឋរាយការណ៍ថា សណ្ឋាគារកម្ពស់ ៥ ជាន់ ដែលត្រូវបានគេប្រើជាកន្លែងបណ្តោះអាសន្នសម្រាប់ដាក់អ្នកជំងឺ Covid-19 បានដួលរលំនៅខេត្ត Fujian ភាគអាគ្នេយ៍ប្រទេសចិន កាលពីថ្ងៃសៅរ៍ (០៧ មីនា)។
China’s People’s Daily រាយការណ៍ថា ក្រុមសង្គ្រោះបន្ទាន់ ត្រូវបានបញ្ជូនទៅសង្គ្រោះដោយធ្វើការយ៉ាងស្វិតស្វាញ ដើម្បីទាញជនរងគ្រោះដែលត្រូវបានគេសង្ស័យ និងអះអាងថាបានឆ្លងវីរុសនេះ ចេញពីគំនរបាក់បែក។ មនុស្សចំនួន ២៣ នាក់ ត្រូវបានគេជួយសង្គ្រោះគិតត្រឹមម៉ោង ៩ យប់ ម៉ោងក្នុងតំបន់។ មនុស្សសរុបចំនួន ៧០ នាក់ត្រូវបានគេរាយការណ៍ថាបានជាប់នៅក្រោមអគារបាក់រលំក្នុងទីក្រុង Quanzhou, Fujian។
ប្រព័ន្ធផ្សព្វផ្សាយក្នុងស្រុកបាននិយាយថា មនុស្សសរុបចំនួន ៧០ នាក់ បានជាប់នៅក្រោមគំនរបាក់បែក ខណៈកិច្ចប្រឹងប្រែងជួយសង្គ្រោះនៅតែបន្ត។
រូបថតនៅពីលើអគារដែលត្រូវបានបំផ្លាញនេះបានបង្ហាញឲ្យឃើញថា អគារនេះហាក់ដូចជាដួលរលំដោយខ្លួនឯង ហើយគ្មានផ្នែកណាមួយនៃអគារនោះនៅឈរឡើយ ៕
ប្រែសម្រួលដោយ៖ លឹម ហុង (ប្រភព៖ zerohedge)