ភ្នំពេញ ៖ យោងតាមគណនីហ្វេសប៊ុករបស់ លោក យោប អាស្ការី អនុរដ្ឋលេខាធិការក្រសួងធម្មការនិង សាសនា បានសរសេរថា កម្មវិធីអ៊ីជទីម៉ាកនៅថ្ងៃទី១៣ ១៤ ១៥ ខែមីនាដែលគ្រោងនឹងធ្វើនៅភូមិទ្រានោះត្រូវបានលើកពេល លោកពុំបានបញ្ជាក់ថាតើត្រូវលើកពេលទៅធ្វើនៅពេលណាវិញនៅឡើយទេ។ មជ្ឈមណ្ឌលព័ត៌មានមូស្លីមកម្ពុជាមិនទាន់ទទួលបានការបញ្ជាក់ពីគណៈកម្មារៀបចំកម្មវិធីនៅឡើយទេចំពោះបញ្ហាលើកពេលនេះ ប៉ុន្តែធ្លាប់បានអះអាងប្រាប់មុនថាការអនុញ្ញាតឫមិនអនុញតគឺអាស្រ័យលើអជ្ញាធរ។
លោកអនុរដ្ឋលេខាធិការក្រសួងធម្មការនិងសាសនា បានថ្លែងថា សម្រាប់បងប្អូនសាសនិកឥស្លាមកម្ពុជា ជាទីគោរពរាប់អានដោយស្ថានភាពបច្ចុប្បន្ននៃការរាតត្បាតនៃវីរុសកូរ៉ូណា នៅទូទាំងពិភពលោកជាពិសេស 97 ប្រទេសបានទទួលរងគ្រោះនៃការឆ្លងរហូតដល់១០២១៩៨ករណី ខាងនោះកម្ពុជាយើងមានម្នាក់នៅខេត្តសៀមរាបដែលរាជរដ្ឋាភិបាលបានសម្រេចផ្អាកបណ្ដោះអាសន្នការសិក្សាក្នុងទីរួមខេត្តសៀមរាបនិងអង្គរសង្ក្រាន្តសៀមរាបផងដែរដោយឡែកការជួបជុំបងប្អូនសាសនិកឥស្លាមប្រារព្ធពិធីអ៊ីជទីម៉ាកប្រចាំឆ្នាំដើម្បីផ្សព្វផ្សាយធម៌វិន័យឥស្លាមដែលគ្រោងមានការអញ្ជើញចូលរួមពីថ្នាក់ដឹកនាំបងប្អូនសាសនិកអ៊ីស្លាមប៉ុន្មានប្រមាណ៥ម៉ឺន នាក់ ក្នុងនោះមានបរទេសមួយចំនួននៅក្នុងបរិវេណវិហារឥស្លាមភូមិទ្រាស្រុកក្រូចឆ្មាខេត្តត្បូងឃ្មុំត្រូវបានលើកពេលដើម្បីចូលរួមទប់ស្កាត់ជាមួយរាជរដ្ឋាភិបាលចំពោះការរីករាលដាលដោយយថាហេតុណាមួយ។
អាស្រ័យហេតុនេះសូមបងប្អូនដែលមានបំណងចូលរួមក្នុងពិធីខាងលើសូមអធ្យាស្រ័យដោយក្តី អនុគ្រោះហើយយើងនាំគ្នាបួងសួងសុំពីអល់ឡោះ ជាម្ចាស់មេត្តាបញ្ជៀសយើងក៏ដូចជាសង្គមជាតិទាំងមូលជាផុតពីជំងឺរាតត្បាតពីរោះកូណា ដ៏កំណាចនេះផងដែរ៕ដោយ៖កូឡាប