ដូចដែលប្រិយមិត្តបានដឹងរួចមកហេីយបុរសជនជាតិខ្មែរអាយុ ៣៨ ម្នាក់ នៅខេត្តសៀមរាប ត្រូវបានរកឃេីញមានផ្ទុកវីរុស Covid-19 កាលពីថ្ងៃទី០៧ ខែមីនា ឆ្នាំ២០២០ បន្ទាប់ពីគាត់ធ្វើការស្និទ្ធនឹងជនជាតិជប៉ុន ឆ្លងវីរុសកូរ៉ូណាថ្មី ដែលចាកចេញពីខេត្តសៀមរាប នៅកាន់ប្រទេសជប៉ុន កាលពីពេលថ្មីៗនេះ។
ទោះយ៉ាងណា សមាជិក៣នាក់ ដែលជាក្រុមគ្រួសាររបស់បុរសជនជាតិខ្មែរ អាយុ ៣៨ ឆ្នាំ ត្រូវបានធ្វើតេស្តស្វែងរកជំងឺ Covid-19 រួចហើយ ដោយលទ្ធផលអវិជ្ជមាន ដែលមានន័យថា ពួកគាត់ទាំង៣នាក់ពុំមានឆ្លងវីរុស Covid-19 នោះដែរទេ ។
ជាមួយលទ្ធផលដ៏ប្រសើរនេះ បងប្អូនប្រុសស្រីត្រូវជាបងថ្លៃ និងប្រពន្ធបុរសខ្មែរផ្ទុកវីរុសកូរ៉ូណា ១៩ បានថ្លែងអំណរគុណសម្តេចតេជោ ហ៊ុន សែន និងក្រសួងសុខាភិបាល យ៉ាងជ្រាលជ្រៅ ដែលបានជួយជ្រោមជ្រែង យកចិត្តទុកដាក់បំផុត ចំពោះសុខភាពរបស់ពួកគាត់ ៕ ដោយ៖ លឹម ហុង
ដើម្បីជ្រាបច្បាស់ សូមទស្សនាវីដេអូខាងក្រោម៖