ចំនួនអ្នកស្លាប់ និងឆ្លងវីរុសកូរ៉ូណានៅក្នុងប្រទេសអ៊ីតាលី បានហក់ឡើងយ៉ាងខ្លាំង កាលពីថ្ងៃអាទិត្យម្សិលមិញនេះ បណ្តាលឲ្យអ៊ីតាលីក្លាយជាប្រទេសទី ២ ដែលមានអ្នកស្លាប់ច្រើនបំផុត បន្ទាប់ពីប្រទេសចិន។
បើតាមតួលេខ ចំនួនអ្នកស្លាប់នៅអ៊ីតាលីបានកើនឡើងពី ១៣៣នាក់ មកចំនួន ៣៦៦នាក់ ខណៈដែលការឆ្លងក្នុងរយៈពេលមួយថ្ងៃ បានហក់ឡើងពី ១.៤៩២ករណី មកដល់ ៧.៣៧៥នាក់។
បច្ចុប្បន្ន ការផ្ទុះវីរុសមរណៈនេះ បានសម្លាប់មនុស្សជិត ៤.០០០នាក់ និងឆ្លងច្រើនជាង ១០៩.០០០ករណី ក្នុងប្រទេស និងតំបន់ជិត ១០០ទូទាំងពិភពលោក។
សូមបញ្ជាក់ថា ប្រជាជនអ៊ីតាលីចំនួន ១ភាគ ៤កំពុងត្រូវបានបិទមិនឲ្យធ្វើបំផ្លាស់ទី។ វីធានការនេះ នឹងត្រូវអនុវត្តរហូតដល់ថ្ងៃទី ៣ ខែមេសាខាងមុខ ដោយអាជ្ញាធរហាមប្រាមប្រជាជនមិនឲ្យចូល ឬចាកចេញពីភាគខាងត្បូងប្រទេស៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia