យោធារបស់ប្រទេសកូរ៉េខាងត្បូង បានឲ្យដឹងនៅថ្ងៃចន្ទនេះថា ប្រទេសកូរ៉េខាងជើងបានធ្វើការបាញ់គ្រាប់ផ្លោងចំនួន ៣គ្រាប់។ ការបាញ់នេះ កើតឡើងតែមួយសប្តាហ៍ប៉ុណ្ណោះ ក្រោយពេលកូរ៉េខាងជើងបាញ់មីស៊ីលរយៈចំងាយខ្លី។
គ្រាប់ផ្លោងចំនួន ៣គ្រាប់ត្រូវបានបាញ់ឆ្ពោះទៅភាគខាងកើតលើសមុទ្រ នៃតំបន់ Sondok ស្ថិតក្នុងខេត្ត Hamgyong របស់កូរ៉េខាងត្បូង។ នេះបើតាមការបញ្ជាក់របស់យោធាកូរ៉េខាងត្បូងនៅក្នុងសេចក្តីប្រកាស។
ការបាញ់នៅថ្ងៃចន្ទនេះ គឺជាការធ្វើតេស្តអាវុធជាលើកទី ២ របស់របបព្យុងយ៉ាង ក្នុងរយៈពេល ១សប្តាហ៍។
ការបាញ់របស់កូរ៉េខាងជើងកើតឡើង ខណៈដែលកិច្ចចរចានុយក្លេអ៊ែររវាងកូរ៉េខាងជើង និងអាមេរិចកំពុងជាប់គាំង និងក្រោយពេលការកំណត់ថ្ងៃរបស់កូរ៉េខាងជើង ដើម្បីឲ្យអាមេរិចផ្តល់សម្បទានជុំវិញបញ្ហាទណ្ឌកម្ម បានផុតកំណត់។
សូមបញ្ជាក់ថា របបព្យុងយ៉ាងបានរងទណ្ឌកម្មយ៉ាងច្រើនពីអន្តរជាតិ ជុំវិញកម្មវិធីអាវុធប្រល័យលោក របស់ប្រទេសដ៏ឯកោមួយនេះ៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia
