ភ្នំពេញ៖ សម្តេចតេជោ នាយករដ្ឋមន្ត្រីកម្ពុជា បានបញ្ជាក់ប្រាប់ពលរដ្ឋខ្លួនថា សារព័ត៌មានវៀតណាមផ្សាយកម្ពុជារឹតបន្តឹង ចំពោះពលរដ្ឋដែលមកពីអឺរ៉ុប និងមកកម្ពុជា ដែលកំពុងកើតមានជំងឺឆ្លងវីរុសកូរ៉ូណា។ សម្តេចបញ្ជាក់ថា ខ្ញុំបញ្ជាឲ្យរដ្ឋមន្ត្រីក្រសួងការបរទេស កម្ពុជាធ្វើការតវ៉ាទៅភាគីវៀតណាម ចំពោះការផ្សាយរវស់សារព័ត៌មានវៀតណាមបានចុះផ្សាយពីដ៏អាក្រក់ពីកម្ពុជា ។ ខ្ញុំមិនខ្លាចទេ ព្រោះអីបើយោងតាមទៅលើអ្វីដែលស្ថានទូតវៀតណាម ប្រគល់មកក្រសួងការបទេសកម្ពុជា ខណៈការពារសុខភាពវៀតណាមគេណែនាំឲ្យមានការពង្រឹងសុវត្ថិភាពនូវការចេញចូលប្រទេសគ្រប់ជាតិសាសនទាំងអស់ ។
សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានប្រតិកម្មខ្លាំងៗទៅនឹងការចុះផ្សាយរបស់ ទីភ្នាក់ងារព័ត៌មាន VNA របស់វៀតណាម ដែលបានផ្សាយថា វៀតណាមបានរឹតត្បិតចំពោះពលរដ្ឋកម្ពុជា ដែលឆ្លងចូលទៅកាន់ប្រទេសវៀតណាម ដើម្បីទប់ស្កាត់ការរីករាលដាលនៃជំងឺកូវីត១៩។ ការផ្សព្វផ្សាយបែបនេះ អាចធ្វើឱ្យមានការយល់ច្រឡំចំពោះកម្ពុជា ហើយអាចនឹងបង្កឱ្យមានការខឹងសម្បារ និងតវ៉ាខ្លាំងពីសំណាក់ប្រជាពលរដ្ឋខ្មែរ ដោយសារតែជាការផ្សព្វផ្សាយខុសការពិតមួយ ដែលមិនអាចទទួលយកបានជាដាច់ខាត។
ថ្លែងក្នុងពិធីសម្ពោធផ្លូវជាតិលេខ៥៥ នៅស្រុកវាលវែង ខេត្តពោធិ៍សាត់ នៅថ្ងៃទី៩ ខែមីនា ឆ្នាំ២០២០នេះ សម្តេចបន្តថា ចំណុចនេះមានន័យថា កម្ពុជាត្រូវបានវៀតណាមដាក់ក្នុងចំណាត់ថ្នាក់ឲ្យជាមនុស្សចម្លែក ។ អីញ្ចឹងខ្ញុំមិនព្រមទេ ខ្ញុំបានប្រើលោកប្រាក់ សុខុនឧបនាយករដ្ឋមន្ត្រី រដ្ឋមន្ត្រីក្រសួងការបរទេសទាក់ទងទៅភាគីវៀតណាមភ្លាម ។ អីញ្ចឹងទូតវៀតណា មនៅខេត្តមិនបានដឹងរឿងនឹង ផ្ទុយវិញសារព័ត៌មានបង្ហោះផ្សាយចំណុចនេះ បើមិនបានធ្វើការ ដកចេញវិញទេ នឹងមានការធ្វើតវ៉ាតាមការទូតតែម្តង។ «សូម្បីតែថ្ងៃសៅរ៍ និងថ្ងៃអាទិត្យ ខ្ញុំត្រូវតវ៉ាឱ្យរដ្ឋមន្ត្រីការបរទេស តវ៉ាទៅវៀតណាម។ ហេតុអ្វីបានត្រូវការតវ៉ាទៅវៀតណាម មិនមែនទៅរដ្ឋាភិបាលវៀតណាមទេ ប៉ុន្តែសារព័ត៌មាន VNA របស់វៀតណាម បានចុះផ្សាយដ៏អាក្រក់ពីកម្ពុជា ដោយខ្ញុំមិនខ្លាចទេ។ អញ្ចឹងកម្ពុជា ចូលក្នុងចំណាត់ថ្នាក់ដែលត្រូវវៀតណាមដាក់ឱ្យនៅជាមនុស្សចម្លែក អញ្ចឹងខ្ញុំអត់ព្រមទេ ខ្ញុំប្រាប់ ប្រាក់ សុខុន ឱ្យទាក់ទងវៀតណាមភ្លាម» សម្តេចតេជោ ហ៊ុន សែន បានបញ្ជាក់ដូច្នេះ។
សម្តេចក៏បានបន្ថែមថា៖ «រឿងនេះវាក្លាយជាបញ្ហា បើសិនជាប្រជាជនកម្ពុជាប្រតិកម្មវិញ ប្រជាជនកម្ពុជាអាចនឹងបិទមិនឱ្យវៀតណាមឆ្លងមកវិញ ប៉ុន្តែបានដោះស្រាយកាលពីម្សិលមិញហើយ»។
សម្តេចបន្ថែមថា ហេតុអ្វីបានជាអ្នកឯកដាក់ប្រទេសខ្ញុំជាប្រទេស មានហានិភ័យសម្រាប់ប្រទេសវៀតណាម ? សម្តេចថារឿងនេះ នឹងក្លាយជាមានបញ្ហាប្រសិនបើប្រជាជន កម្ពុជាប្រតិកម្មវិញ ដូចប្រជាជនកម្ពុជាបិទព្រំដែនមិនឲ្យវៀតណាមចូលមកកម្ពុជា ពេលនោះនឹងរងគ្រោះទាំងសងខាង។
សម្តេចតេជោបញ្ជាក់ថា៖ «សារព័ត៌មានវៀតណាមបានផ្សាយពីកម្ពុជា ទាំងភាសាអង់គ្លេសផង និងវៀតណាមកផង ។ អីញ្ចឹងបានខ្ញុំដាក់សំណួរថា បើយើងមានកាភ័យខ្លាចហើយរត់ទៅព្យាបាលនៅវៀតណាម តើវៀតណាមឲ្យទៅទេ ? ហើយយើងមិនទាន់ឈឺផង សារព័ត៌មានវៀតណាមផ្សាយពីយើងអីញ្ចឹងហើយ! នៅប្រទេសថៃ តើគេឲ្យយើងទៅទេ? គេមិនឱ្យទៅទេ អីញ្ចឹងត្រូវមានជំនឿចិត្តខ្លួនឯងតែម្តង»។
ចំណែកលោក William Guang បានសរសេរថា “ខ្ញុំសម្ដែងការសោកស្ដាយជាខ្លាំងជុំវិញ ការផ្សព្វផ្សាយមិនពិតពី សារព័ត៌មាន VNA របស់វៀតណាម ជុំវិញករណីជំងឺ covid19 ដែលកើតលើបុរសជប៉ុនម្នាក់ កាលពីថ្មីៗនេះ ។ ខ្ញុំគាំទ្រគ្រប់វិធានការរបស់កម្ពុជា លើប្រទេសវៀតណាម ជុំវិញបញ្ហានេះ រួមមានកំណត់ការទូត និងការបិទច្រកព្រំដែនជាដែនជាដើម ប្រសិនបើមិនមានការកែប្រែលើព័ត៌មានដែលថា នឹងដាក់កម្ពុជាក្នុងបញ្ជីខ្មៅ covid19 !
ក្នុងនាមខ្ញុំជាពលរដ្ឋកម្ពុជាម្នាក់នឹងជាប្រមុខគណបក្សនយោបាយមួយនៅកម្ពុជា ខ្ញុំទទួលយកមិនបាន និងចាត់ទុកថា ប្រសិនជាគ្មានការកែសម្រួល ឬ ការសុំទោសនោះទេ គឺវៀតណាមពិតជាមានចេតនាបំភ័ន្តការគិត របស់សកលមតិនិងបង្កឲ្យសកលមតិរើសអើងលើកម្ពុជាយ៉ាងប្រាកដមែន “៕ដោយ៖កូឡាប