ខេត្តស្វាយរៀងៈ បុរសម្នាក់បានស្លាប់ និងបុរសម្នាក់ផ្សេងទៀត បានរងរបួស នៅក្នុងករណីគ្រោះថ្នាក់ចរាចរណ៍មួយ រវាងម៉ូតូបើកវ៉ាជែងគ្នា ប៉ះចង្កូតរួចដួលខ្ទាត អ្នកបើកបរទៅប៉ះ នឹងរថយន្តទេសចរណ៍ កំពុងធ្វើដំណើរតាមផ្លូវបណ្តាល ឱ្យស្លាប់នៅកន្លែងកើតហេតុ។
ហេតុការណ៍ខាងលើនេះ បានកកើតឡើងកាលពីវេលាម៉ោង១១និង៥០នាទីព្រឹកថ្ងៃទី៧ ខែមីនា ឆ្នាំ ២០២០ លើផ្លូវជាតិលេខ១ ស្ថិតក្នុងភូមិថ្នល់កែង ឃុំកណ្តៀងរាយ ស្រុកស្វាយទាប ខេត្ត ស្វាយរៀង ។
សមត្ថកិច្ចបានឱ្យដឹងថាៈ មានម៉ូតូម៉ាក អ៉ិចស្ទើ ពណ៌ខៀវ ផ្លាកលេខ គ្មាន បើកបរដោយឈ្មោះ រាជ សុជាតិ ភេទប្រុស អាយុ១៥ឆ្នាំ មុខរបរកសិករ រស់នៅភូមិដំបូកជួរ សង្កាត់ច្រកម្ទេស ក្រុងបាវិត (មិនពាក់មួកសុវត្ថិភាព) ទិសដៅពីកើតទៅលិច មកដល់កន្លែងកើតហេតុខាងលើ បានបើកវ៉ាទៅប៉ះម៉ូតូម៉ាក សង់កូរ៉េ ពណ៌ក្រហម ផ្លាកលេខ ព្រៃវែង ១B ៣៥៩៥ បើកបរដោយឈ្មោះ ឡេ តើយ ភេទប្រុស អាយុ៤០ឆ្នាំ មុខរបរអាជីវករ សញ្ជាតិវៀតណាម ជនជាតិវៀតណាម រស់នៅភូមិតាពៅ សង្កាត់បាវិត ក្រុងបាវិត ខេត្តស្វាយរៀង គ្មានរបួសស្នាម(ពាក់មួកសុវត្ថិភាព)បន្ទាប់មកអ្នកបើកបរម៉ូតូអ៉ិចស្ទើ ខ្ទាតទៅប៉ះរថយន្តទេសចរណ៍ ផ្លាកលេខ ៥១B ៣១០-២៦ ក៏ដួលបោកស្លាប់នៅកន្លែងកើតហេតុ (ប៉ះកង់ក្រោយខាងឆ្វេង) ចំណែកអ្នកបើកបររថយន្តទេសចរណ៍រត់គេចពីកន្លែងកើតហេតុ ។
ប្រភពដដែលបានបន្តថាៈ ករណីនេះអ្នកស្លាប់បានប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី ។ ចំណែកឯមធ្យោបាយទាំងបីរក្សាទុក នៅអធិការដ្ឋាននគរបាលស្រុកស្វាយទាប (រថយន្តធំខូចខាត ១គ្រឿង ស្រាល ម៉ូតូ២គ្រឿង ស្រាល )។មូលហេតុ : អ្នកបើកបរម៉ូតូអ៉ិចស្ទើវ៉ាជែងក្នុងស្ថានភាពគ្រោះថ្នាក់៕ដោយ៖ វ៉ៃកូ
