ខេត្តស្វាយរៀងៈ បុរសម្នាក់បានរងរបួសធ្ងន់ ចំណែកស្ត្រីម្នាក់និងបុរសម្នាក់ផ្សេងទៀត បានរងរបួសស្រាល នៅក្នុងករណីករណីគ្រោះថ្នាក់ចរាចរណ៍ រវាងម៉ូតូនិងម៉ូតូ កាលពីវេលាម៉ោង ៥និង ៣០ នាទីព្រឹក នៅថ្ងៃទី ៩ ខែ មីនា ឆ្នាំ ២០២០ នៅលើផ្លូវលេខ១៣ ត្រង់ចំណុច ស្ថិតនៅភូមិចក ឃុំកំពង់ចក ស្រុករំដួល ខេត្តស្វាយរៀង រវាងម៉ូតូនិងម៉ូតូក្នុងទិសដៅបញ្ច្រាសគ្នា ។
សមត្ថកិច្ចបានឱ្យដឹងថាៈ ម៉ូតូទី១ ម៉ាក្សហុងដា សេ១២៥ ពណ៌ខ្មៅផលិតឆ្នាំ2019 ពាក់ផ្លាកលេខ ត្បូងឃ្មុំ 1G.0973 បើកបរដោយឈ្មោះ ដុក ឈាង ភេទប្រុស អាយុ 31ឆ្នាំ មុខរបរ កម្មកររោងចក្រ មានទីលំនៅភូមិកៀបក្តាម ឃុំ ត្រពាំងស្តៅ ស្រុករមាសហែក ខេត្ត ស្វាយរៀង (មានមួកសុវត្ថិភាព) រងរបួសជើងខាងឆ្វេងធ្ងន់ ម៉ូតូខូចខាតធ្ងន់ បើកបរក្នុងទិសដៅពីជើងទៅត្បូង អ្នករួមដំណើរម្នាក់ ឈ្មោះ អន សាមន ភេទ ស្រី អាយុ ៣០ ឆ្នាំ មុខរបរកម្មកររោងចក្រ (មានមួកសុវត្ថិភាព) រង របួសស្រាល រស់នៅភូមិឃុំជាមួយអ្នកបើកបរ ពេលមកដល់កន្លែងកើតហេតុ បានបុកជាមួយម៉ូតូម៉ាក ហុងដាCBR ដែលជិះមកពីទិសខាងត្បូង។
ប្រភពដដែលបានបន្តថាៈ អ្នកបើកបរម៉ូតូទី២ ឈ្មោះ អ៊ុំ សាភាច ភេទប្រុស អាយុ ៣៦ឆ្នាំ មុខរបរកសិករ រស់នៅភូមិបាក្រុង ឃុំស្វាយចេក ស្រុករំដួល ខេត្តស្វាយរៀង ជិះ ម៉ូតូម៉ាក ហុងដា CBR ពណ៌ខ្មៅ ពាក់ផ្លាកលេខភ្នំពេញ 1ID 6487 មិនពាក់មួកសុវត្ថិភាព រងរបួសស្រាល ម៉ូតូខូចខាតធ្ងន់ ។ មូលហេតុដោយសារម៉ូតូម៉ាកហុងដា សេ១២៥ ពាក់ផ្លាកលេខត្បូងឃ្មុំ 1G .0973 បើកមិនប្រកាន់ស្តាំ៕ដោយ៖ វ៉ៃកូ
