ខេត្តស្វាយរៀង៖ផ្ទៈមួយខ្នងទំហំ៤ម៉ែត្រគុណ៥ម៉ែត្រ ប្រក់សង្ក័សីរួមទាំងអំណោយ សប្បុរសជន ជាមួយព្រះសង្ឃវត្តតាពៅ យកទៅជូនលោកយាយសុខសានី អាយុ៨០ឆ្នាំ នៅភូមិញរ ឃុំញរ ស្រុកកំពង់រោទ៌ ខេត្តស្វាយរៀង។
ពិធីនេះបានរៀបចំនៅវេលាម៉ោង៣និង០០នាទីរសៀលថ្ងៃទី៨ មីនា ឆ្នាំ២០២០។
លោក ភា សារិត អ្នកសារព័ត៌មាន ប្រចាំខេត្តស្វាយរៀង បានឲ្យដឹងថា៖ អំណោយរបស់សប្បុរសជនអ្នកសាព័ត៌មាន បានរៀបចំពិធីប្រគល់ជូន លោកយាយសុខសានី អាយុ៨០ឆ្នាំ រួមមានផ្ទះមួយខ្នង៥ម៉ែត្រគុណ៤ម៉ែត្រ និងគ្រឿងឧបភោគបរិភោគ ដឹកនាំដោយព្រះភិក្ខុ ថោង ចិន្តា ព្រះគ្រូសូត្រឆ្វេងវត្តតាពៅ និងជាប្រធានក្រុមកីឡាបាល់ទាត់វត្តតាពៅ FC និងព្រះភិក្ខុឡាយរៀនគង់ នៅវត្តតាពៅ ស្ថិតនៅភូមិច្រកលាវ សង្កាត់បាវិត ក្រុងបាវិត រួមមាន បាឡុង២ឈុត អង្ករ២៥គីឡូក្រាម មី៣កេះ បច្ច័យចំនួន៤៨១៥០០រៀល។
លោកឧត្តមសេនីយ៍ ខាត់ សារ៉ាត់ ប្រធានច្រកទ្វាព្រំដែនអន្តរជាតិបាវិត ឧបត្ថម្ភចំនួន១០០ដុល្លារ ឧបាសិកា ឃឹម ណេង នៅក្រុងបាវិត ឧបត្ថម្ភ១០០ដុល្លារ តាមរយៈព្រះភិក្ខុ ថោង ចិន្តា ព្រះគ្រូសូត្រឆ្វេងវត្តតាពៅ។
ព្រះភិក្ខុប៊ឿងពិសី គង់នៅវត្តព្រៃអង្គុញ សង្កាត់ព្រៃអង្គុញ ក្រុងបាវិត មានបាឡុងមួយឈុត បច្ច័យ១០៨០០០រៀល។ សរុបបច្ច័យ៥៨៩៥០០រៀល និង២០០ដុល្លារ។ សូមបញ្ជាក់ក្នុងនោះ ក៏បានបែងចែកទៅលោកយាយ ពន់ តាវ អាយុ ៧៤ឆ្នាំ នៅភូមិញរជាមួយគ្នា មានបាឡុងមួយឈុតនិងមីកន្លះកេះ។
លោកយាយ ឥន សំបូរ អាយុ ៦៨ឆ្នាំ នៅភូមិញរ មានបាឡុង១ឈុត មីកន្លះកេះ ព្រមទាំងប្រជាពលរដ្ឋមកចូលរួម ១០នាក់ ក្នុងម្នាក់ទទួលបានមី៥កញ្ចប់ ថវិកា៥០០០រៀលផងដែរ។
សូមបញ្ជាក់ផងដែរថាៈ លោកយាយ សុខ សានី អាយុ ៨០ឆ្នាំចាស់ជរា មានជំងឺជាប់ចង្កេះប្រចាំកាយ ហើយមានជីវភាពក្រីក្រលំបាក ផ្ទះចាស់ទ្រុឌទ្រោម រស់នៅលែងកើត ត្រូវបានអ្នកសារព័ត៌មានប្រចាំខេត្តស្វាយរៀង សហការគ្នាសង់ផ្ទះឲ្យលោកយាយមួយខ្នង ដោយលោកយាយមានដើមត្នោត២ដើម អ្នកស្រុកបានផ្តល់ដើមប្រងខ្យល់ និងចាក់ដីបំពេញក្នុងផ្ទះ រីឯក្រុមអ្នកសារព័ត៌មាន ផ្តល់សសរបេតុង៦ដើម និងស័ង្កសីប្រក់ និងបាំងជញ្ជាំងស៊ីម៉ងត៍១០បាវ និងខ្សាច់ក្រាលសាប ក្នុងផ្ទះ និងឥដ្ឋរៀបជុំវិញផ្ទះ ហើយសប្បុរសជនខ្លះទៀត ផ្តល់ថវិកាសង់បង្គន់ឲ្យលោកយាយផងដែរ។
លោកយាយសុខសានី បានថ្លែងអំណរព្រះគុណ ដល់ព្រះសង្ឃទាំងបីព្រះអង្គ និងសប្បុរសជនទាំងអស់ ដែលបានរួមគ្នាសង់ផ្ទះ និងបង្គន់អនាម័យ ព្រមទាំងគ្រឿងបរិភោគឧបភោគ សម្ភារប្រើប្រាស់មួយឈុត (បាឡុង) និងថវិកាដែលលោកយាយ កំពុងជួបកាលំបាកគ្មានជម្រកស្នាក់នៅ ខ្វះស្បៀងអាហារ ទឹកចិត្តសប្បុរសធម៌នេះ លោកយាយមានតែម្រាមដៃដប់ សំពះប្រគេនពរនិងជូនពរ៕ដោយ៖វ៉ៃកូ