ភ្នំពេញ៖ លោក អភិបាលរាជធានីភ្នំពេញ បញ្ជាក់ថា “ម៉ាសទាំងនេះរក្សាទុកសិន គឺពិនិត្យមើលទៅតាមលទ្ធភាព ថាតើកន្លែងនោះមានរាលដាលមេរោគឬក៏អត់ ហើយម៉ាសនេះ គឺចែកឱ្យទៅតំបន់មានជំងឺសម្រាប់ការពារខ្លួនពីជំងឺ”។
លោកអភិបាលរាជធានីភ្នំពេញ បានថ្លែងអំណរគុណយ៉ាងជ្រាលចំពោះលោក លឹម ឃាង ប្រធានក្រុមកសិកម្មតឹងយ៉ុង ដែលបាលផ្ដល់ម៉ាស់ចំនួន១០ម៉ឺន លើរដ្ឋបាលរាជធានីភ្នំពេញនាពេលនេះ ហើយលោករក្សាម៉ាស់នេះទុក សម្រាប់ចែកយកទៅប្រើប្រាស់ សម្រាប់ការពារមេរោគឆ្លង នៅតំបន់ណាដែលសង្ស័យថា មានជំងឺឬមេរោគឆ្លង ដូចជាជំងឺផ្តាសាយជាដើម។
លោក ឃួង ស្រេង អភិបាលរាជធានីភ្នំពេញ មានប្រសាសន៍ដូច្នេះ ក្រោយពីក្រុមហ៊ុនផលិតម៉ាស ក្នុងស្រុក ប្រគល់ម៉ាសចំនួន១០ម៉ឺន មកសាលារាជធានីភ្នំពេញសម្រាប់ចែកជូនដល់សាធារណជន កាលពីរសៀលថ្ងៃទី៩ ខែ មីនា ឆ្នាំ២០២០ នៅសាលារាជធានីភ្នំពេញ។
លោក ឃួង ស្រេង អំពាវនាវឲ្យពលរដ្ឋនៅរាជធានីភ្នំពេញ ទាំងអស់ កុំស្លន់ស្លោ រឿងកូវីដ១៩ ផ្អើលទៅទិញអង្ករ ទិញសម្ភារៈយកទៅទុក្ខដាក់ នាំតែទំនិញឡើងថ្លៃទេមិនមែនដូចសម័យគ្រាប់ផ្លោងឡើយ សូមបងប្អូនចូលរួមការពារ និងផ្ដល់ព័ត៌មាន ពីគ្នាទៅវិញទៅមក ពិសេស អនុវត្ដ ទៅតាមដែលក្រសួងសុខាភិបាល ផ្សព្វផ្សាយទៅបានហើយ ។
លោក ឃួង ស្រេង បានលើកឡើងថា ម៉ាសនេះ ក៏អាចជួយទៅដល់តំបន់ណា ដែលមានការសង្ស័យមានជំងឺឆ្លង covid 19 នៅខេត្តសៀមរាបជាដើម ហើយនិងមានការពិគ្រោះយោបល់ ជាមួយមន្ទីរសុខាភិបាលរាជធានីថា គួរចែកទៅផ្នែកណាខ្លះ។
ជាមួយគ្នាលោកអភិបាលរាជធានីភ្នំពេញថ្លែងថា៖ រដ្ឋបាលរាជធានី នឹងមានវិធានការ ចំពោះអ្នកណាដែលផ្សាយព័ត៌មានមិនពិត តាមបណ្តាញព័ត៌មានសង្គម ដែលធ្វើឱ្យមានចលាចល នៅរាជធានីភ្នំពេញ និងនៅទូទាំងប្រទេស ។ លោក ឃួង ស្រេង ក៏បានអំពាវនាវ ដល់ប្រជាពលរដ្ឋចូលរួមប្រុងប្រយ័ត្ន នឹងការពារទប់ស្កាត់ការពារជំងឺ និងសូមឱ្យប្រជាពលរដ្ឋជឿជាក់ លើរាជរដ្ឋាភិបាលកម្ពុជា។
ក្នុងនោះដែរលោក លឹម ឃាង ប្រធានក្រុមកសិកម្មតឹងយ៉ុង បានដឹងថា “ក្រុមហ៊ុនរបស់បានប្រគល់ ម៉ាសចំនួន១០ម៉ឺន ជូនសាលារាជធានីភ្នំពេញ សម្រាប់ធ្វើចែកជូនប្រជាពលរដ្ឋដោយឥតគិតថ្លៃ នូវតំបន់ណាដែលសង្ស័យថាមានជំងឺឆ្លង៕ដោយ៖កូឡាប
