រដ្ឋមន្ត្រីក្រសួងវប្បធម៌បារាំងលោក Franck Riester បានធ្វើតេស្តិ៍វិជ្ជមានចំពោះវីរុស Covid-19។ នេះបើតាមសារព័ត៌មានក្នុងស្រុកមួយបានរាយការណ៍ កាលពីល្ងាចថ្ងៃច័ន្ទ (០៩ មីនា) ។
ដោយឡែក រដ្ឋមន្ត្រីក្រសួងសុខាភិបាលបារាំងលោក Olivier Véran បាននិយាយនៅក្នុងបទសម្ភាសន៍មួយជាមួយបណ្តាញព័ត៌មានបារាំង BFMTV ថា “គាត់មិននៅក្នុងមន្ទីរពេទ្យទេ ប៉ុន្តែគ្រាន់តែស្នាក់នៅក្នុងផ្ទះរបស់គាត់ដោយមានរោគសញ្ញាតិចតួចប៉ុណ្ណោះ” ។
លោក Riester ត្រូវបានគេជឿថាមានទំនាក់ទំនងជាមួយវីរុសកូរ៉ូណា នៅវិមានរដ្ឋសភាជាតិ ដែលជាកន្លែងដែលមានករណីចំនួន ៥ ត្រូវបានបញ្ជាក់នៅក្នុងប៉ុន្មានថ្ងៃថ្មីៗនេះ។
គិតត្រឹមល្ងាចថ្ងៃច័ន្ទនេះ មានករណីឆ្លងវីរុសនេះចំនួន ១.៤១២ ករណីនៅប្រទេសបារាំង និងមានអ្នកស្លាប់ចំនួន ៣០ នាក់។
នៅក្នុងប្រទេសអ៊ីតាលី មានអ្នកស្លាប់ដោយសារមេរោគនេះមានចំនួន ៤៦៣ នាក់ហើយៗ មកទល់ពេលនេះនាយករដ្ឋមន្ត្រីអ៊ីតាលីលោក Giuseppe Conte បានដាក់ប្រទេសទាំងមូលកំពុងប្រឈមនឹងបញ្ហានេះខ្ពស់កាលពីល្ងាចថ្ងៃច័ន្ទដោយស្នើសុំឱ្យប្រជាជនស្នាក់នៅផ្ទះ៕
ប្រែសម្រួលដោយ៖ លឹម ហុង (ប្រភព៖ screendaily)