វីដេអូខ្លីមួយបានបង្ហាញឲ្យឃើញស្ត្រីបរទេសម្នាក់ក្នុងចំណោម២នាក់ ស្រាប់តែបង្ហាញខ្លួនក្នុងស្ថានភាពស្រាតននលគកគួរឲ្យហួសចិត្ត ខណៈដើរឆ្លងកាត់ផ្លូវមួយកន្លែងនៅ Canggu បានកំពុងរីករាលនៅលើបណ្តាញសង្គម និងបង្កឲ្យមានការពិភាក្សាឡើងបែកខ្ញែកគ្នា អំពីការគោរពវប្បធម៌ និងទំនៀមទម្លាប់ក្នុងស្រុកនៃកោះបាលី ខណៈគេក៏ជំរុញឲ្យអាជ្ញធរប្រចាំតំបន់ប្រញាប់ធ្វើការលើរឿងនេះជាបន្ទាន់ ។
ពេលនេះ វីដេអូនេះត្រូវបានស៊ែរតៗគ្នាយ៉ាងផុសផុលនៅលើវេទិកាប្រព័ន្ធផ្សព្វផ្សាយសង្គម ដែលបង្កឲ្យមានការពិភាក្សាគ្នាឡើងចម្រូងចម្រាស់ រវាងទាំងអ្នករស់នៅក្នុងតំបន់ និងជនបរទេស ដែលចូលរួមផ្តោតទៅលើរឿងដ៏អស់ទាស់មួយនេះ ។
ក្នុងនោះ ពួកគេបានលើកឡើងជាទស្សនៈយល់ឃើញផ្សេងៗគ្នាបែបនេះថា៖
«ប្រជាជននៅក្នុងភូមិរបស់ខ្ញុំ អាក្រាតនៅឯអាងងូតទឹកសាធារណៈ។ មនុស្សជាច្រើនធ្វើដូចគ្នា បន្ទាប់ពីធ្វើការមួយថ្ងៃនៅក្នុង subak (ប្រព័ន្ធធារាសាស្ត្រសម្រាប់វាលស្រែនៅកោះបាលី) ។ ពេលខ្លះគ្រួសារមួយចំនួនធ្វើរឿងនេះ។ គ្រាន់តែចំណាយពេលទៅលេងកោះនេះពិតៗ នោះរូបអាក្រាតមិនមែនជាបញ្ហាសម្រាប់ប្រជាជនបាលី» ។
«មិនចាំបាច់ធ្វើឱ្យនរណាម្នាក់អាម៉ាស់មុខជាសាធារណៈបែបនេះទេ។ គ្រាន់តែប្រាប់ពួកគេពីអ្វីដែលសមរម្យ និងអ្វីដែលមិន…។ ប្រហែលជាអ្នកទេសចរម្នាក់ៗ គួរតែត្រូវបានផ្តល់នូវក្រដាសមួយដែលមានច្បាប់នៅកោះបាលី នៅពេលមកដល់។ ពួកគេនឹងរៀនអ្វីថ្មី ហើយវានឹងកំណត់បញ្ហាទាំងនេះមិនឲ្យកើតឡើងទៀត» ៕
ប្រែសម្រួលដោយ៖ លឹម ហុង (ប្រភព៖ Coconuts)