សៀមរាប៖អភិបាលខេត្តសៀមរាប ផ្ញើសារអរគុណចំពោះមន្ត្រីរាជការ នៃរដ្ឋបាលខេត្តសៀមរាប និង រិះគន់គណនីមួយចំនួនបំប៉ោងស្ថានភាព បំពុលដល់សង្គម បង្កើនការភ័យខ្លាច និងបង្កការរើសអើង។
នៅល្ងាចថ្ងៃទី១០ ខែមីនា ឆ្នាំ២០២០នេះ លោក ទៀ សីហា អភិបាលខេត្តសៀមរាប បានសរសេរនៅលើបណ្ដាញទំនាក់ទំនងសង្គមហ្វេសប៊ុករបស់លោក ដែលមានខ្លឹមសារថា : អរគុណចំពោះមន្ត្រីរាជការ នៃរដ្ឋបាលខេត្តសៀមរាប និងរដ្ឋបាលក្រុង-ស្រុកទាំង១២ រួមព្រមទាំងកងកម្លាំងមានសមត្ថកិច្ច មន្ទីរ-អង្គភាពជុំវិញខេត្ត ដែលបន្តអនុវត្តការងារយ៉ាងសកម្ម ដោយបន្ថែមការប្រុងប្រយ័ត្ន ទប់ស្កាត់ការរីករាលដាលនៃកូវីដ-១៩ (COVID-19)។
ខេត្តយើងមានស្ថានភាពល្អប្រសើរជាងមុន ប្រជាពលរដ្ឋមិនមានការភ័យខ្លាចដូចការបំផុសពត៌មានមិនពិតនោះទេ ។
ខ្ញុំក៏សូមអរគុណចំពោះការព្រួយបារម្ភ របស់គណនីមួយចំនួនដូចខាងក្រោម ដែលបានយកចិត្តទុកដាក់ក្នុងការ “បំប៉ោងស្ថានភាព បំពុលដល់សង្គម បង្កើនការភ័យខ្លាច បង្កការរើសអើង ធ្វើបាបប្រជាពលរដ្ឋខេត្តសៀមរាប ដោយបង្ហោះព័ត៌មានមិនពិត”ឱ!សៀមរាបអើយ មិនទាន់មានអ្វីធ្ងន់ធ្ងរផង គេនាំគ្នាបង្អាប់បង្ខូចកេរ្តិ៍ឈ្មោះ
រស់ក៏ថា ស្លាប់
បង្ហាញថា លាក់
រង់ចាំថា រត់
អ៊ូអរថា ស្ងាត់
សប្បាយថា ទុក្ខ
ឱ!សៀមរាបខ្ញុំអើយ គួរធ្វើយ៉ាងណា ចំពោះគណនីមួយចំនួននេះ? ៕ ដោយ៖កូឡាប
