កាលពីវេលាម៉ោងប្រមាណ៣ទាបភ្លឺ ថ្ងៃទី១១ ខែមីនា ឆ្នាំ២០២០ នេះ មានករណីធ្វើអត្តឃាតមួយបង្កឲ្យមានការភ្ញាក់ផ្អើល ដោយនារីរូបស្រស់ស្អាតម្នាក់ បានលោតសម្លាប់ខ្លួនពីលើខុនដូរមួយកន្លែងឈ្មោះ «វីឃែន WECAN» តាមបណ្ដោយផ្លូវលេខ៩៩ ស្ថិតក្នុងភូមិ៧ សង្កាត់បឹងត្របែក ខណ្ឌចំការមន រាជធានីភ្នំពេញ ដោយមិនទាន់ដឹងមូលហេតុច្បាស់លាស់។
នារីរងគ្រោះត្រូវបានដឹងថា មានឈ្មោះ ឃុន ស្រីស្រស់ ស្នាក់នៅក្នុងខុនដូរកើតខាងលើនេះជាន់ទី៤ ។ ហើយក្រោយពេលកើតហេតុ កម្លាំងនគរបាលជំនាញនៃស្នងការដ្ឋាននគរបាលរាជធានីភ្នំពេញ បានចុះពិនិត្យសាកសពនៅកន្លែងកើតហេតុ និងសន្និដ្ឋានថា ស្ដ្រីរងគ្រោះពិតជាលោតសម្លាប់ខ្លួនពិតប្រាកដមែន ។
ទាក់ទងករណីនេះ បើតាមប្រភពមួយចំនួន ដែលមានលទ្ធភាពអាចចូលទៅកាន់អាខោនហ្វេសប៊ុកនារីរងគ្រោះឈ្មោះថា Sri Nika បានធ្វើការសន្និដ្ឋានថា តាមរយៈវីដេអូរបស់នារីរងគ្រោះដែលបានបង្ហោះមុនពេលធ្វើអត្ថឃាត បាននិយាយរៀបរាប់ថា ខ្លួនបានមានកូនជាមួយឧកញ៉ា លាង ឃុន ដែលបានបង្ខំឲ្យនាងយកកូនចេញ និងថែមទាំងចង់ចាប់នាងដាក់គុកទៀតផង ដែលជាហេតុធ្វើឱ្យនាងដាច់ចិត្តបញ្ចប់ជីវិតបែបនេះ។
ដោយឡែក នៅមុននេះបន្តិច (ថ្ងៃទី១១ ខែមីនា ឆ្នាំ២០២០) តាមរយៈផេកហ្វេសប៊ុកលោកផែង វណ្ណៈ បានបង្ហើបឲ្យដឹងថា នារីរងគ្រោះបានបង្ហោះវីដេអូ ជេរ ឧកញ៉ា លាង ឃុនយ៉ាងកប់ៗ តាមរយៈហ្វេសប៊ុកនាង មុនពេលនាងលោតសម្លាប់ខ្លួន ។
ទោះយ៉ាងណា យើងក៏មិនទាន់ដឹងថា រឿងរ៉ាវនេះមានជាប់ព័ន្ធអ្វីយ៉ាងណានោះទេ រវាងលោកឧកញ៉ា លាង ឃុន និងនារីរងគ្រោះ ឃុន ស្រីស្រស់ ៕ អត្ថបទ៖ លឹម ហុង
