ភ្នំពេញ៖ ពលរដ្ឋខ្មែរដែលមានបញ្ហាសុខភាព ឬត្រូវការពិនិត្យសុខភាពឲ្យបានជាក់លាក់ លែងបារម្ភពីការធ្វើដំណើរទៅកាន់ប្រទេសជិតខាងឬទៅសិង្ហបុរីទៀតហើយ នោះក៏ដោយសារមន្ទីរពេទ្យអន្តរជាតិថ្មីមួយ ដឹ ប្រេស្ទីហ្ស៍ (The Prestige Hospital) នឹងបើកដំណើរការនៅថ្ងៃទី២៨ ខែមីនា ឆ្នាំ២០២០ ខាងមុខនេះ។
លោកបណ្ឌិត ថេយ គ្រីស្តូហ្វ័រ នាយកប្រតិបត្តិរបស់មន្ទីរពេទ្យ The Prestige Hospital បានមានប្រសាសន៍ថា “សេវាកម្ម និង ស្តង់ដារដែលយើងនាំមកកម្ពុជាសុទ្ធតែលំដាប់អន្តរជាតិ និងតាមវិធីសាស្រ្តថែទាំសុខភាពរបស់សិង្ហបុរី ដោយវេជ្ជបណ្ឌិត គិលានុបដ្ឋាយិកា និងអ្នកជំនាញដ៏ល្អបំផុត ជាមួយនឹងឧបករណ៍ទំនើបចុងក្រោយ”។
មន្ទីរពេទ្យ The Prestige Hospital ស្ថិតនៅខាងត្បូងផ្សារកាប់គោ (ក្បែរវិមានឯករាជ្យ) ត្រូវបានបង្កើតឡើងក្នុងបំណងចូលរួម ចំណែកលើកស្ទួយវិស័យសុខាភិបាលនិងសុខមាលភាពរបស់ពលរដ្ឋកម្ពុជា និង ដើម្បីជួយសម្រួលដល់បងប្អូន ដែលមានបញ្ហា សុខភាពហើយត្រូវការសេវាពេទ្យលំដាប់ស្តង់ដារខ្ពស់ ដោយពុំចាំបាច់ចំណាយថវិការច្រើននិងពេលវេលាយូរដូចការធ្វើដំណើរ ទៅកាន់ប្រទេសថៃឬសិង្ហបុរីទៀតឡើយ។
មន្ទីរពេទ្យ The Prestige Hospital គ្រប់គ្រងដោយអ្នកដឹកនាំកំពូលផ្នែកថែទាំសុខភាពអន្តរជាតិមកពីសិង្ហបុរី និងរួមគ្នាជាមួយ អ្នកជំនាញនិងវេជ្ជបណ្ឌិតជាច្រើនមកពី សិង្ហបុរី បារាំង និងអាមេរិក ៕ ដោយ ៖ CEN
សម្រាប់ព័ត៌មានបន្ថែមទាក់ទងនឹងបញ្ហសុខភាព ការពិគ្រោះយោបល់ និងការព្យាបាលជំងឺគ្រប់ប្រភេទ សូមទំនាក់ទំនងមក៖ អគារលេខ ១៦ &១៨ ផ្លូវលេខ ២១ (ខាងត្បូងផ្សារកាប់គោ វិមានឯករាជ្យ) សង្កាត់ទន្លេបាសាក់ ខណ្ឌចំការមន ភ្នំពេញ ។ ឬទូរសព្ទ៖ 023 266 999; 067 68 95 68
