អាជ្ញាធរបាននិយាយថាមនុស្ស ៤ នាក់បានស្លាប់ និង ៣០ នាក់ ផ្សេងទៀត ត្រូវបានបញ្ជូនទៅកាន់មន្ទីរពេទ្យ ជាមួយវីរុស Listeria ដែលទំនងជាបន្ទាប់ពីពួកគេបរិភោគផ្សិតម៉ាក enoki mushroom ពីក្រុមហ៊ុន Sun Hong Foods, Inc ។
យោងតាមគេហទំព័ររបស់រដ្ឋបាលចំណីអាហារ និងឱសថ បានឲ្យដឹងថា Sun Hong Foods បានប្រមូលយកផ្សិតរបស់ខ្លួនមកវិញកាលពីថ្ងៃច័ន្ទ ដោយសារតែវាអាចនឹងមានផ្ទុកនូវសារធាតុ listeria ។
យោងតាមមជ្ឈមណ្ឌលគ្រប់គ្រង និងបង្ការជំងឺអាមេរិក មានមនុស្សស្លាប់ចំនួន ៤ នាក់ នៅរដ្ឋកាលីហ្វ័រញ៉ា ហាវ៉ៃ និងរដ្ឋញូវ ជឺស៊ី។ CDC ទទួលបានរបាយការណ៍ចំនួន ៣៦ នៃអ្នកឆ្លងពីរដ្ឋចំនួន ១៧ ។ CDC បាននិយាយថា មាន ៦ ករណីពាក់ព័ន្ធនឹងស្ត្រីមានផ្ទៃពោះ ក្នុងនោះ ២ នាក់បានរលូតកូន ។
“កុំបរិភោគបរិភោគ បម្រើសេវាម្ហូប ឬលក់ផ្សិតណាមួយដែលត្រូវបានប្រមូលមកវិញដែលចែកចាយដោយសាន់ហុងហ្វូតថេស។ ” CDC បាននិយាយនៅលើគេហទំព័ររបស់ខ្លួន។
Listeriosis បណ្តាលឱ្យមានរោគសញ្ញាផ្សេងៗគ្នាចំពោះមនុស្សផ្សេងៗគ្នា។ សម្រាប់រោគសញ្ញាភាគច្រើនរួមមានការឈឺក្បាល, ករឹង, ច្របូកច្របល់, បាត់បង់តុល្យភាព, ក្តៅខ្លួន, ឈឺសាច់ដុំ និងប្រកាច់។
ស្ត្រីមានផ្ទៃពោះអាចមានរោគសញ្ញាដូចគ្នានេះ ប៉ុន្តែការបង្ករោគដោយបាក់តេរី ក៏អាចបណ្តាលឱ្យរលូតកូន ការសម្រាលកូនមិនគ្រប់ខែ ឬការឆ្លងមេរោគដែលគំរាមកំហែងដល់អាយុជីវិតរបស់ទារកទើបនឹងកើតផងដែរ។
រោគសញ្ញាជាទូទៅចាប់ផ្តើមពីមួយទៅបួនសប្តាហ៍ បន្ទាប់ពីបរិភោគអាហារដែលមានសារធាតកខ្វក់។ ការឆ្លងអាចត្រូវបានព្យាបាលដោយថ្នាំអង់ទីប៊ីយោទិច។
ប្រភពនៃការចម្លងរោគកំពុងត្រូវបានស៊ើបអង្កេត ក៏ដូចជាថាតើផលិតផលផ្សេងទៀតត្រូវបានផ្សារភ្ជាប់ជាមួយនឹងជំងឺដែរឬទេ។
CDC បាននិយាយថា ផ្សិតដែលមានស្លាក “Product of Korea” មានពណ៌ស និងវែងមានមួកតូចៗ ឬ ហៅថាផ្សិតម្ជុល។
CDC បានឲ្យដឹងទៀតថា ផ្សិតទាំងនេះត្រូវបានលក់ក្នុងកញ្ចប់ប្លាស្ទិចថ្លាចំនួន ៧,០៥ អោន / ២០០ ក្រាម (7.05-ounce/200-gram) ដែលមានស្លាកបៃតង។
ជំងឺពីផ្សិតនេះបានចាប់ផ្តើមកាលពីថ្ងៃទី ២៣ ខែវិច្ឆិកា ឆ្នាំ ២០១៦ និងថ្ងៃទី ១៣ ខែធ្នូ ឆ្នាំ ២០១៩ ។
រហូតមកទល់ពេលនេះ CDC កំពុងស្វែងយល់បន្ថែមអំពីប្រភពនៃផ្សិត និងវិធីដែលគេចែកចាយពួកវា និងណែនាំដល់មនុស្សទាំងអស់ដែលមានហានិភ័យខ្ពស់នៃការឆ្លងមេរោគ ក្នុងនោះដូចជា ស្ត្រីមានផ្ទៃពោះ, មនុស្សចាស់ដែលមានអាយុលើសពី ៦៥ ឆ្នាំ និងអ្នកដែលមានប្រព័ន្ធភាពស៊ាំចុះខ្សោយ ដើម្បីចៀសវាងទទួលទានផ្សិត “enoki mushroom” ដែលមានស្លាកថាមកពីប្រទេសកូរ៉េ៕ អត្ថបទ៖ លឹម ហុង (ប្រភព៖ https://edition.cnn.com/)
