ដូចដែលប្រិយមិត្តបានដឹងរួចមកហេីយករណីនារីស្រស់ស្អាតឈ្មោះ ឃុន ស្រីស្រស់ ដែលមានអាខោនហ្វេសប៊ុកឈ្មោះ Sri Nika បានសម្រេចចិត្តលោតពីលេីខុនដូជាន់ទី៥ កាលពីម៉ោងប្រហែល៣ទាបភ្លឺថ្ងៃទី១១ ខែមីនា ឆ្នាំ២០២០ នៅម្ដុំបឹងត្របែក។
ការសម្រេចចិត្តធ្វើអត្តឃាតនេះរបស់នាង ត្រូវបានមហាជនជ្រាបច្បាស់ថា គឺជាប់ពាក់ព័ន្ធនឹងលោកឧកញ៉ា លាង ឃុន ដែលជាអគ្គនាយកក្រុមហ៊ុន ជីបម៉ុង បន្ទាប់ពីបែកធ្លាយវីដេអូរបស់នាង ដោយនាងបានជេរប្រទេចទៅលើឧកញ៉ា លាង ឃុន យ៉ាងសាហាវៗថាលោកឧកញ៉ាមិនទទួលខុសត្រូវចំពោះរូបនាង ដោយបានបង្ខំឲ្យនាងយកកូនចេញ ហើយចុងក្រោយថែមទាំងចង់ចាប់នាងដាក់គុកទៀតផង ។
ដោយឡែក បើយើងក្រឡេកមើលពីវីដេអូទិដ្ឋភាពមុនពេលត្រៀមលោតចុះមកដីពីរានហាលជាន់ទី៥នោះ ផ្ញើមកកាន់មិត្តភ័ក្តិរបស់នាង យើងពិតជាព្រឺស្ញើបស្ទើរគាំងបេះដូងតែម្តង ដោយខណៈពេលនោះ នាងបាននិយាយទាំងអារម្មណ៍រវើរវើយទៅហើយ ដែលទំនងជានាងបានផឹកស្រាបៀរអស់ច្រើន លាយឡំនឹងជំងឺបាក់ទឹកចិត្តខ្លាំងលែងចង់រស់តទៅទៀត ។
នេះបើយោងតាមគណនីហ្វេសប៊ុកឈ្មោះ Bee Annta ដែលត្រូវជាមិត្តភក្តិ បានបង្ហោះពាក្យពេចន៍ឆាតជាមួយគ្នាមួយចំនួន និងវីដេអូមុនពេលនាងលោត ដោយភ្ជាប់សារដ៏ខ្លោចចិត្តថា៖ «ឆាតជាមួយគ្នាយប់មិញ ខំលួងលោមហេីយហេតុអីមិត្តនៅទៅទៀត នេះ video គាត់ផ្ញេីមកពេលរៀបលោត???» ៕ អត្ថបទ៖ លឹម ហុង
