កាលពីថ្ងៃទី០២ ខែមីនា ឆ្នាំ២០២០ នេះ មានករណីអគ្គិភ័យមួយបានកើតឡើង បានបណ្តាលឲ្យក្មេងប្រុសម្នាក់បានស្លា ប់ និងក្មេងស្រីបានរងរបួសធ្ងន់ នៅក្នុងភ្លក់ភ្លើង នៅចំណុច ផ្សារក អណ្ដេីក ស្រុកកំពង់ត្របែក ខេត្តព្រវែង ។
ភ្លាមៗក្រោយហេតុការណ៍ដ៏សង្វេកនេះបានកើតឡើង កូនប្រុសបង ក្នុងចំណោមសមាជិកគ្រួសារ៤នាក់ ដែលត្រូវភ្លើងឆេះទាំងអស់ ត្រូវបានដឹងថា បានស្លាប់មុនគេ ខណៈឪពុក ម្តាយ និងប្អូនស្រីរបស់គេ ស្ថិតក្នុងស្ថានភាពដ៏ធ្ងន់ធ្ងរ ត្រូវបានបញ្ជូនសង្គ្រោះនៅមន្ទីរពេទ្យ ។
ទោះយ៉ាងណា មកទល់ពេលនេះ ឪពុកដែលត្រូវបានបញ្ជូនទៅសង្គ្រោះនៅប្រទេសវៀតណាម និងកូនស្រី ក៏បានស្លាប់ជាបន្តបន្ទាប់គ្នា ដោយកូនស្រីរបស់គាត់បានស្លាប់រំលងមួយថ្ងៃ ។ ដោយឡែក ស្ត្រីជាប្រពន្ធ និងជាម្តាយរបស់ក្មួយប្រុសស្រីរងគ្រោះទាំងពីរ កំពុងស្ថិតក្រោមការសង្គ្រោះនៅឡើយ ដោយមិនដឹងថាយ៉ាងម៉េចយ៉ាងម៉ានោះទេ ។
តាមរយៈគណនីហ្វេសប៊ុកឈ្មោះ Chhou Kimleng បានបង្ហោះសារដ៏ក្រៀមក្រំថា៖ «កាលពីថ្ងៃទី 02-03-2020 មានអគ្គីឆាបឆេះ ផ្ទះរបស់លោក ឈួ គង់ស្រ៊ុន អ្នកស្រី ភិន ស្រីរ័ត្ន នៅជាប់ផ្សារកអណ្តើក គួរឲ្យរន្ធត់ ឥឡូវនេះម៉ោងនេះ ម៉ោងប្រមាណ 10ជាងយប់ ថ្ងៃទី11 ខែ03 ឆ្នាំ2020 បណ្តាលឲ្យមនុស្ស ស្លាប់អស់៣នាក់ និង ផ្ទះទាំងស្រុង ដំណឹងបានដឹង ហើយខ្លោចចិត្ត៕ សូមឲ្យលោក ឈួ គង់ស្រ៊ុន និង កូនៗរបស់លោក ទៅកាន់សុគតិភពចុះ៕»
ដោយឡែក គណនីហ្វេសប៊ុកឈ្មោះ Rithy Sam ក៏បានបង្ហោះចូលរួមរំលែកទុក្ខជាមួយសារដ៏ក្រៀមក្រំដែរថា៖ «សោកសង្រែងពេកក្រៃ? គូ និងកូនស្រីពៅខំតស៊ូបន្តដង្ហើមប្រម៉ាណ10ថ្ងៃហើយតាំងពីគ្រោះអគ្គីភ័យនៅកអណ្ដើក ឥលូវគូនិងកូនស្រីបានលាចាកលោកទៅកាន់សុខគតិភពហើយ បន្សល់ទុកប្រពន្ធគូម្នាក់ឯង។ ហេតុអីគ្រួសារគូជួបគ្រោះកាចចង្រៃនេះ លោកអើយលោក?? កើតជាតិណាណា សូមអោយគូនិងកូនៗសំណាងនិងអាយុវែងរយឆ្នាំ R.I.P» ៕ អត្ថបទ៖ លឹម ហុង