បងប្អូនបានជ្រាបច្បាស់ហើយថា គ្រួសារបរទេសមួយនេះ ព្រោះតែស្រឡាញ់ប្រទេសកម្ពុជា ជាពិសេសព្រៃឈើ ដែលជាជម្រកសត្វព្រៃដ៏ធំធេង បានលះបង់កម្លាំងកាយចិត្ត និងសូម្បីប្រថុយនឹងអាយុជីវិត ដើម្បីមកជួយការពារសត្វព្រៃនៅក្នុងតំបន់អភិរក្សដែលកំពុងប្រឈមនឹងការកាប់ទន្ទ្រានយកដីពីសំណាក់ជនខិលខូចមួយចំនួន ដែលកាប់បំផ្លាញព្រៃឈើ និងដុតព្រៃជាដើម។
ពិតណាស់ មួយរយៈពេលចុងក្រោយនេះ គ្រួសារបរទេសនេះដែលមានលោក បេន ជាបង្គោល ហាក់បាននិងកំពុងប្រឈមនឹងពួកជនបំផ្លាញព្រៃឈើជាខ្លាំង ដោយកាលពីពេលកន្លងទៅនេះ ពួកគេគ្មានវិធីអ្វីបំបែកទៅលើ បេន បានក៏ជ្រើសរើសវិធីដ៏អាក្រក់បំផុត ដុតស្ពានឆ្លងទៅផ្ទះរបស់លោកតែម្តង ។ ដោយឡែក កាលពីយប់ថ្ងៃទី១១ មីនា ក្នុងអំឡុងពេលដែលលោកកំពុងតែចុះប្រតិបត្តការការពារព្រៃឈើ ស្រាប់តែលោកបានជួបជនខិលខូចកំពុងធ្វើសមក្មភាពដឹកឈើ ហើយបានដកកាំបិតដេញកាប់លោកទាំងកម្រោល។
នេះបើយោងតាមគណនីហ្វេសប៊ុកលោក តាន គីមសួរ បានសរសេររៀបរាប់ថា៖ «សូមគោរពបបង ដោយពីយប់មិញមានភាពស្មុគស្មាញពេកខ្ញុំបានណែនាំអោយកម្លាំងប្រតិបត្តការទាំងអស់ដេកយាមរហូតដល់ភ្លឺចាំចាត់ការ ព្រឹកឡើងកម្លាំងព័ទ្ធចាប់ជនសង្ស័យក្នុងទីតាំងកើតហេតុនោះ តែជនសង្ស័យឈ្មោះ ទាលុចបានទាញកាំបិតហក់មកកាប់លោកបេនទាំងកម្រោល ពេលនោះលោកបេនក៏រត់គេចពីកាតាមកាប់សម្លាប់គាត់រត់មកអោយប៉េអុឹមជួយ ជនសង្ស័យក៏រត់គេចខ្លួនបាត់ជាមួយនិងកាំបិត១ដើម។បេនអើយបេន!
ខ្ញុំទទួលដំណឹងនេះភ្លាម ស្ទើតែទប់ទឹកភ្នែកមិនជាប់ ហេតុអីបានលោកប្រថុយដល់ថ្នាក់នេះ? អរគុណបងៗកងកំលាំងទាំងអស់ដែលនៅការពារបេន» ៕ អត្ថបទ៖ លឹម ហុង
