ចំនួនអ្នកស្លាប់ដោយសារវីរុសកូរ៉ូណានៅក្នុងប្រទេសអ៊ីតាលី បានកើនដល់ ១.០១៦នាក់ បន្ទាប់ពីមានអ្នកស្លាប់បន្ថែមចំនួន ១៨៩នាក់ទៀត ខណៈដែលសេដ្ឋកិច្ចប្រទេសនេះកំពុងរងផលប៉ះពាល់ខ្លាំង។
ចំណែកការឆ្លងវិញ បានកើនឡើងពី ១២.៤៦២ករណី មក ១៥.១១៣ករណី នៅថ្ងៃព្រហស្បតិ៍ ដែលវាគឺជាការឆ្លងដ៏អាក្រក់បំផុតក្នុងរយៈពេល ១ថ្ងៃ ចាប់តាំងពីមានប្រទេសនេះមានវីរុស នៅថ្ងៃទី ២១ ខែកុម្ភៈកន្លងទៅ។
សូមបញ្ជាក់ថា ប្រទេសអ៊ីតាលី នៅថ្ងៃពុធកន្លងទៅនេះ បានធ្វើការបិទហាងលក់ទំនិញទាំងអស់ទូទាំងប្រទេស លើកលែងតែឱសថស្ថាន និងហាងលក់ម្ហូបអាហារ ដើម្បីទប់ស្កាត់ការរាតត្បាតរបស់វីរុសកូរ៉ូណា ដែលបានរាតត្បាតយ៉ាងលឿននៅអ៊ីតាលី។
នាយករដ្ឋមន្រ្តីអ៊ីតាលី លោក Giuseppe Conte បាននិយាយថា ការបិទអ្វីៗស្ទើរគ្រប់យ៉ាងក្នុងប្រទេសនឹងបន្តរហូតដល់រយៈពេលយ៉ាងតិច ២សប្តាហ៍៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia