អ្នកនាង Love Riya មេម៉ាយទើបលែងលះប្តីថ្មីថ្មោង និងក៏ត្រូវបានមហាជនលាន់មាត់សរសើរថា តារាស្រីទើបរះ ញញឹមស្រស់ដូចបុប្ផាត្រីទឹកដណ្តើមជានិច្ច គេសង្កេតឃើញថា អ្នកនាងកាន់តែទទួលបានប្រជាប្រិយភាពពីមហាជនយ៉ាងច្រើន បន្ទាប់ពីអ្នកនាងបានចេញថតដូចជាសម្អាងការ ឬ ការឡើងសម្តែងលើឆាកតន្ត្រីជាដើម ។
ទន្ទឹមនេះផងដែរ អ្នកលក់ឡេរូបស្រស់ស្អាតរូបនេះ ត្រូវបានមហាជនកោតសរសើរចំៗថា មានទេពកោសល្យសិល្បះ មើលទៅប្រៀបដូចតារាសម្តែងជើងចាស់អ៊ីចឹង បើទោះជាអ្នកនាងទើបតែមានបទពិសោធន៍នៅខ្ចីក្នុងការសម្តែងក៏ដោយ ។
ពិតណាស់ ថ្មីៗនេះ អ្នកលក់ឡេកំពុងមានប្រជាប្រិយភាព Love Riya បានធ្វើឲ្យអ្នកប្រើប្រាស់បណ្តាញសង្គម មានការភ្ញាក់ផ្អើល និងកោតសរសើរខ្លាំងមែនទែន នៅពេលបានឃើញអ្នកនាងបានសម្តែងប៉ះគ្នាជាមួយលោក អេនឌី ជាលើកដំបូង នៅក្នុងការសម្តែង MV មួយ ។ បើទោះជាមានវ័យខុសគ្នាក៏ពិតមែន តែអ្នកទាំងពីរត្រូវបានមើលឃើញថា ពិតជាសម្តែងបានល្អ និងស័ក្តិសមគ្នាណាស់ ។
ចំពោះ MV ទើបចេញថ្មីរបស់អ្នកនាង Love Riya គឺមានចំណងជើងថា «ដៃនៅក្នុងដៃ ភ្នែកនៅក្នុងភ្នែក» ៕ អត្ថបទ៖ លឹម ហុង
