ខេត្តស្វាយរៀងៈ ក្មេងប្រុសម្នាក់និងក្មេងស្រីម្នាក់ បានស្លាប់ភ្លាមៗ ដោយសារដួលរលំអាស្រមរានអ្នកតា សង្កត់លើ ដែលហេតុការណ៍គួរឱ្យរន្ធត់ និងសង្វេកនេះបានកើតឡើងកាលពី វេលាម៉ោង ១៥និង៣០ នាទី រសៀល ថ្ងៃទី១៣ខែមីនាឆ្នាំ២០២០ នៅភូមិកោះក្បានខាងជើងឃុំសំរោង ស្រុកចន្ទ្រា ខេត្តស្វាយរៀង។
សមត្ថកិច្ចបានឱ្យដឹងថាៈ មានករណីក្មេងស្លាប់ដោយសារដួលរលំអាស្រមអ្នកតា នៅផ្ទះខ្លួនឯងចំនួន២នាក់់ មានឈ្មោះដូចខាងក្រោម :
១ / ឈ្មោះអាត សំណាង ភេទប្រុសអាយុ ២ ឆ្នាំ ត្រូវជាកូនរបស់ឪពុកឈ្មោះ អាត វណ្ណ អាយុ ២៥ ឆ្នាំមុខរបររោងចក្រ និង ម្តាយឈ្មោះ ស៊ីម សុណា អាយុ ២៤ ឆ្នាំ មុខរបររោងចក្រ មានទីលំនៅភូមិកោះក្បានខាងជើង ឃុំសំរោង ស្រុកចន្រ្ទា ខេត្តស្វាយរៀង។ ២ / ឈ្មោះអឿន ស៊ីដា ភេទស្រីអាយុ ៣ ឆ្នាំ ត្រូវជាកូនរបស់ឪពុកឈ្មោះ ស៊ីម កាស៊ន់ អាយុ២៨ឆ្នាំ មុខរបររោងចក្រ និង ម្តាយឈ្មោះ ចិន រតនៈ អាយុ២៣ ឆ្នាំ មុខរបររោងចក្រ មានទីលំនៅភូមិកោះក្បានខាងជើង ឃុំសំរោង ស្រុកចន្រ្ទា ស្រុកចន្រ្ទា ។
ប្រភពដដែលបានបន្តថាៈ មូលហេតុ ដោយសារ ក្មេងទាំងពីរនាក់ខាងលើ បានលេងតោងអាស្រមអ្នកតា ហើយក៏រលំសង្កត់ពីលើបណ្តាលឲ្យស្លាប់នៅហ្នឹងកន្លែងតែម្តង។ បច្ចុប្បន្នសាកសពត្រូវបានឪពុកម្តាយយកទៅធ្វើបុណ្យតាមប្រពៃណី៕ដោយ៖វ៉ៃកូ