រដ្ឋាភិបាលវៀតណាមបានផ្តល់ស្បៀងអាហារ និងតម្រូវការចាំបាច់ផ្សេងៗទៀត ដល់ប្រជាជនរបស់ខ្លួន ដែលកំពុងស្ថិតក្នុងការឃ្លាំមើលផ្នែកវេជ្ជសាស្ត្រ នៅក្នុងតំបន់ដាច់ស្រយាលមួយនៅផ្លូវ Truc Bach ស្រុក Ba Dinh ទីក្រុងហាណូយ។
ចាប់តាំងពីថ្ងៃទី១០ ខែមីនា សាច់ជ្រូក សាច់គោ បសុបក្សី និងអាហារសមុទ្រ ត្រូវបាននាំយកទៅជូនប្រជាជននៅ Truc Bach រៀងរាល់ ២ ថ្ងៃម្តង ខណៈបន្លែ និងផ្លែឈើស្រស់ៗ ក៏ត្រូវបានផ្តល់ជូនក្នុងម្តងក្នុង១ថ្ងៃផងដែរ ។ នេះបើយោងតាមលោក Quan Doi Nhan Dan ។
ការផ្គត់ផ្គង់ទាំងអស់រួមមាន៖ សាច់មាន់ ៣៩ គីឡូក្រាម សាច់គោ ១៥ គីឡូក្រាម សាច់គោ ៦៩ គីឡូក្រាម ស្ពៃក្តោប ៦៩ គីឡូក្រាម និងទឹក ៦០០ ដប ដោយតបតាមលក្ខណៈវិនិច្ឆ័យសុវត្ថិភាព និងអនាម័យចំណីអាហារ។
ពលរដ្ឋម្នាក់បានប្រាប់ Hanoi Times ថា៖ «កញ្ចប់ស្បៀងនីមួយៗមាន ស៊ុត៣គ្រាប់ សាច់ ឬត្រី ២ បន្ទះ និងបន្លែដែលត្រូវបានចែកជូនជារៀងរាល់ថ្ងៃ។ ក្រៅពីនេះយើងនៅទទួលបានអង្ករ ១០ គីឡូក្រាម និងប្រេងឆាមួយដបផងដែរ» ។ ពលរដ្ឋរូបនោះបន្តថា៖ «អាហារមានជីវជាតិខ្លាំងណាស់ សូម្បីតែប្រពន្ធខ្ញុំក៏មិនដែលអោយខ្ញុំបានហូបរបស់ល្អបែបនេះដែរ» ។
ទំនិញ និងរបស់ចាំបាច់ ត្រូវបានរក្សាទុកនៅកន្លែងដាច់ដោយឡែកពីគ្នា ហើយត្រូវបានត្រួតពិនិត្យ និងសម្លាប់មេរោគដោយមន្ត្រីសុខាភិបាល មុនពេលបញ្ជូនទៅឱ្យប្រជាជន។ នេះបើយោងតាមគណៈកម្មាធិការប្រជាជននៃសង្កាត់ Truc Bach ។
អ្នកស្រុកបានទទួលការចុះមកពិនិត្យដោយមន្ត្រីសុខាភិបាល ២ ពេល ក្នុង១ថ្ងៃ និងត្រូវបានផ្តល់អនាម័យ និងកញ្ចប់សំរាមរៀងរាល់ថ្ងៃ ។ ក្រុមអ្នកប្រមូលសំរាមបានមកយកសំរាមចេញនៅវេលាម៉ោង ៦ ល្ងាច ។
នៅតំបន់ដាច់ស្រយាលនេះ ប្រជាជននៅតែបន្តរស់នៅប្រចាំថ្ងៃជាធម្មតារបស់ពួកគេ ខណៈដែលមន្ត្រីនៃសង្កាត់ Truc Bach និងស្រុក Ba Dinh តែងតែមកបំពេញភារកិច្ចក្នុងការផ្តល់ព័ត៌មានអំពីការរីករាលដាលនៃជំងឺ Covid-19 ។
លោក Pham Quang Long បានប្រាប់ Hanoi Times តាមទូរស័ព្ទថា “ ប្រជាជនមិនគួរខ្លាចភាពឯកោទេ។ យើងមិនខ្លាចការឆ្លងទេ ពីព្រោះប្រសិនបើវាកើតឡើង នោះយើងជាប្រជាជនឯកោ នឹងក្លាយជាមនុស្សដំបូងគេដែលទទួលការព្យាបាល” ៕
ប្រែសម្រួលដោយ៖ លឹម ហុង (ប្រភព៖ nextshark)