ហេតុការណ៍ដ៏ញាក់សាច់មួយ បានធ្វើឲ្យមនុស្សម្នារត់ចែកជើងគ្នាទាំងព្រឹក ដោយសារតែឡានស្ទួច១គ្រឿង បានបះជើងឈរត្រង់ឡើងលើ បណ្តាលឲ្យសង្កត់រថយន្ត និងតុតុ បន្ទាប់ពីស្ទួចបង្គោលដែកដ៏ធំមួយ ហើយពុំអាចយោងទម្ងន់បង្គោលដែកដែលធ្ងន់ជាងបាន ។
ហេតុការណ៍បង្កការភ្ញាក់ផ្អើលនេះ ដែលបានកើតឡើងនៅក្នុងសង្កាត់លេខ២ ក្រុងព្រះសីហនុ កាលពីវេលាម៉ោងជាង ៨ ព្រឹកថ្ងៃទី១៦ ខែមីនា ឆ្នាំ២០២០ បើតាមព័ត៌មានបឋមពី «កូន ខ្លាតូច» គឺគ្រាន់តែបង្កឲ្យមានការខូចខាតរថយន្ត និងតុតុ ប៉ុណ្ណោះ ដោយពុំមានអ្នកណាម្នាក់រងគ្រោះថ្នាក់នៅក្នុងហេតុការណ៍នេះទេ ៕ អត្ថបទ៖ លឹម ហុង