ប្រទេសអ៊ីតាលី នៅថ្ងៃអាទិត្យនេះ បានប្រកាសតួលេខអ្នកស្លាប់ខ្ពស់បំផុតក្នុងរយៈពេលមួយថ្ងៃ ហើយមេដឹកនាំនៃប្រទេសនេះបានព្រមានពីបញ្ហាខ្វះគ្រែ និងឧបករណ៍ផ្លូវដង្ហើម។
បើតាមតួលេខផ្លូវការណ៍ មានអ្នកស្លាប់បន្ថែមចំនួន ៣៦៨នាក់ បណ្តាលឲ្យចំនួនអ្នកស្លាប់សរុបកើនដល់ ១.៨០៩នាក់។
ចំណែការឆ្លងវិញ មានចំនួន ២៤.៧៤៧ករណី។ ការឆ្លង និងការស្លាប់ដ៏ច្រើននៅអ៊ីតាលី ជាការប្រកាសអាសន្នទៅដល់ប្រទេសទាំងអស់ក្នុងតំបន់អឺរ៉ុប ដែលត្រូវគេមើលឃើញថា មានការឆ្លង និងស្លាប់កើនឡើងយ៉ាងខ្លាំង ក្នុងរយៈពេលប៉ុន្មានសប្តាហ៍នេះ។
សូមបញ្ជាក់ថា កាលពីថ្ងៃពុធកន្លងទៅនេះ អ៊ីតាលី បានប្រកាសបិទហាងលក់ទំនិញទាំងអស់ទូទាំងប្រទេស លើកលែងតែឱសថស្ថាន និងហាងលក់ម្ហូបអាហារ ដើម្បីទប់ស្កាត់ការរាតត្បាតរបស់វីរុសកូរ៉ូណា៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia
