ដូចដែលប្រិយមិត្តបានដឹង និងផ្ទុះការរិះគន់រួចហើយ ទាក់ទងនឹងករណីទង្វើ «ឆ្កួតឡប់» របស់មង្គលការមួយប៉ុន្មានរោងកន្លងទៅនេះ ដែលហែជំនួនបែរជានាំគ្នារាំរែកញាក់កន្ត្រាក់ស្ទើរដាច់.ក ធ្វើតាមប្រពៃណីថៃ ភ្លេចអស់ទំនៀបទម្លាប់ព្រៃណីខ្មែរដ៏សុភាពរាបសារ ថ្លៃថ្នូរពីបុរមបុរាណមក ។
បើទោះជាមានការរិះគន់ខ្លាំងៗ និងរហូតគេស្នើដល់ក្រសួងពាក់ព័ន្ធ មេត្តាត្រួតពិនិត្យណែនាំ អប់រំ ទៅលើករណីនេះយ៉ាងណា ក៏វីដេអូនៃទង្វើដ៏គួរឲ្យស្អប់នេះ ហាក់នៅតែបន្តកើតមានដដែល ។ ជាក់ស្តែង ដូចជាពិធីមង្គលការមួយនេះអ៊ីចឹង…. ។
ទាក់ទងនឹងទង្វើ «កាន់តែថា កាន់តែផ្គេីន» នេះផងដែរ តាមរយៈគណនីហ្វេសប៊ុក សុីម ចាន់សុី បានបញ្ចេញមតិលើកឡើងអមនឹងវីដេអូ យ៉ាងដូច្នេះថា៖ «មិនរិះគន់ទេទុកឲ្យបងប្អូនបញ្ចេញមតិតាមការគួរគ្រាន់តែចង់ប្រាប់ថា #វប្បធម៌រលត់ជាតិរលាយវប្បធម៌ពណ្ណរាយជាតិថ្កើងថ្កាន ភ្លេងញាក់កន្ត្រាក់អារម្មណ៍ ហើយភ្លេងបុរាណ គោះលាយឡំបញ្ចូលគ្នាអស់ហើយ?» ៕ អត្ថបទ៖ លឹម ហុង
