ខេត្តស្វាយរៀងៈបុរសបីនាក់ បានរងរបួសធ្ងន់និងស្រាលដោយសារគ្រោះថ្នាក់ចរាចរណ៍មួយរវាងរថយន្តនិងម៉ូតូដែលហេតុការណ៍ខាងលើនេះបានកើតឡើងកាលពីវេលាម៉ោង៧និង៤០នាទីព្រឹក ថ្ងៃទី១៥ខែមីនាឆ្នាំ២០២០នៅលើផ្លូវប្រសព្វ ភ្លឺប្រឡាយព្រែកជីក ត្រង់ចំណុចភូមិត្រពាំងស្មាច់ ឃុំជ្រៃធំ ស្រុករមាសហែក ខេត្តស្វាយរៀង។
សមត្ថកិច្ចបានឱ្យដឹងថាៈ មានករណីគ្រោះថ្នាក់ចរាចរណ៍កើតឡើងរវាងរថយន្ត និងម៉ូតូ លើផ្លូវប្រសព្វ ភ្លឺប្រឡាយព្រែកជីក ត្រង់ចំណុចភូមិត្រពាំងស្មាច់ ឃុំជ្រៃធំ ស្រុករមាសហែក ទី១ ឈ្មោះហែម សាវឿន ភេទប្រុស អាយុ៤៧ ឆ្នាំ មុខរបរគ្រូពេទ្យ រស់នៅភូមិថ្មី ឃុំក្រសាំង ជាអ្នកបើកបររថយន្តម៉ាកKIA morning ពណ៌ស ពាក់ផ្លាកលេខភ្នំពេញ1AM.3803 បើកពីទិសខាងជើង មកត្បូង រួមដំណើរ១ នាក់ឈ្មោះមោគ ខៃវិសិទ្ធ ភេទប្រុស អាយុ១៥ ឆ្នាំ មុខរបរសិស្ស ត្រូវជាកូនអ្នកបើកបរ។ ទី២ ឈ្មោះវ៉ាន់ សាផន ភេទប្រុស អាយុ២២ឆ្នាំ មុខរបរកសិករ រស់នៅភូមិបិតទឹង ឃុំសម្បត្តិមានជ័យ ជាអ្នកបើកម៉ូតូម៉ាកហុងដាវ៉េវ ពណ៌ក្រហម ពាក់ផ្លាកលេខព្រៃវែង1I.0933 បើកពីទិសខាងកើត ទៅលិច (ពាក់មួកសុវត្ថិភាព)។
ប្រភពដដែលបានបន្តថាៈ ករណីនេះគ្រោះថ្នាក់មនុស្ស៣នាក់ ប្រុស ធ្ងន់១នាក់គឺឈ្មោះវ៉ាន់ សាផន បានបញ្ជូនទៅព្យាបាលនៅមន្ទីពេទ្យបង្អែកស្រុករមាសហែក។
ចំណែករថយន្តខូច១គ្រឿងធ្ងន់ (ធ្លាក់ទឹក) ម៉ូតូ១គ្រឿងធ្ងន់ហើយបច្ចុប្បន្ន វត្ថុតាងបានយកទៅរក្សាទុក នៅអធិការដ្ឋាននគរបាលស្រុករមាសហែក ដើម្បីចាត់ការបន្តទៅតាមនីតិវិធី។ មូលហេតុ: រថយន្តប្រើប្រាស់ល្បឿនលឿន មិនគោរពផ្លូវអាទិភាព៕ដោយ៖ វ៉ៃកូ
