បន្ទាយមានជ័យ៖ នារីជាជំនួយការឃុំអូរបីជាន់បន្តបាត់ខ្លួន៣យប់៣ថ្ងៃ តាំងពីម៉ោង៦និង២០នាទីយប់ ថ្ងៃទី១៣ ខែមីនា ឆ្នាំ២០២០មក ខណៈ សង្ស័យរត់តាមសង្សារចាស់ ចោលគូរដណ្តឹង មិនមែនត្រូវគេចាប់ពង្រត់ឡើយ ។
សូមរំលឹកថា យោងអធិការនគរបាលស្រុកអូរជ្រៅលោកវរសេនីយ៍ទោ សែស វិបុល បានឲ្យដឹងថា ៖ ជំនួយការស្មៀនឃុំអូរបីជាន់ ស្រុកអូរជ្រៅ គឺកញ្ញាអឿន ស្រីនិច អាយុ២៤ឆ្នាំ ជាកូនកំព្រា នៅជាមួយម្តាយមីង រស់នៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ។
នៅមុនបាត់ខ្លួន នាងនិងក្មេងស្រីលាង សុគន្ធា អាយុ១០ឆ្នាំ បានចេញពីភូមិព្រៃចាន់ ថាយកម្សៅឡេលាបស្បែកទៅឲ្យគេនៅភូមិអូរីជាន់។
តែពេលត្រឡប់មកវិញជិតដល់ផ្ទះ ស្រាប់តែមានជនសង្ស័យចំនួន២នាក់ មៅ ចុះចាប់ក្រៀកបញ្ជូលឡានរថយន្តកាមរីពណ៌ខ្មៅចេញទៅបាត់ ។
យោងការស្រាវជ្រាវរបស់នគរបាលស្រុកអូរជ្រៅ និងប៉ុស្តិ៍រដ្ឋបាលឃុំអូរបីជាន់ លោកសេស វិបុល បន្តឲ្យដឹងថា៖ កញ្ញាអឿន ស្រីនិច ធ្លាប់មានសង្សារឈ្មោះសៀន ភារ័ត្ន អាយុ២៥ឆ្នាំ ។ តែដល់ភ្ជាប់ពាក្យបម្រុងយកជាអនាគត បែរជាធ្វើជាមួយគូរដណ្តឹងឈ្មោះគុណ សារ៉ាក អាយុ២៤ឆ្នាំ ទៅវិញតាំងពីថ្ងៃទី២១ ខែតុលា ២០១៩មកម្លេះ ហើយគ្រោងនឹងរៀបការនៅថ្ងៃទី៨ ខែមេសា ២០២០ ខាងមុខឯណោះ ។ គូរដណ្តឹងនោះរស់នៅភូមិនិមិត្ត១ សង្កាត់និមិត្ត ក្រុងប៉ោយប៉ែត។
បើមើលក្នុងរូបថត គេឃើញថា នាងមានទឹកមុខក្រញូវ ហាក់មិនពេញចិត្តនឹងគូដណ្តឹងឡើយ។
គូរដណ្តឹងមើលទៅមានរូបសម្រស់ចាញ់សង្សារសំណព្វចិត្តនាង ដែលមានសម្រស់សង្ហារ ។ ហេតុនេះគេគិតថា នាងអាចត្រូវបង្ខំចិត្តភ្ជាប់ពាក្យ ហើយអូសបន្លាយរយៈពេលរៀបការដ៏យូរដូច្នេះ ។
ចំពោះរូបនាងមានសម្រស់ស្អាត ឆើតឆាយ ស៊ិចស៊ី ហ៊ឺហា ។
យោងរូបភាពនេះ នាំឲ្យមានមន្ទិលថា នាងអាចរត់តាមសង្សារ ខណៈថ្ងៃកំណត់ចូលរោងការ ក៏ជិតមកដល់នាថ្ងៃទី៨ ខែមេសា ឆ្នាំ២០២០ខាងមុខនេះ ។
បន្ថែមលើនោះ ទោះមានគូរដណ្តឹង ក៏មិនសូវស្និទ្ធស្នាលស្នេហាដែរ តែបែរជានាងតែងតែបានជជែក តាមឆាតនៃហ្វេសប៊ុកទាក់ទងគ្នា នឹងសង្សារចាស់យ៉ាងល្អូកល្អូនទៅវិញ ។
នគរបាលស្រាវជ្រាបក៏សង្ស័យថា នេះមិនមែនជាករណីចាប់ពង្រត់មនុស្សអីទេ។ តែជាអាចឆាកល្ខោនរបស់កញ្ញាអឿន ស្រីនិច នេះទេ ។
ជួនគ្នានេះ មន្ត្រីអាជ្ញាធរឃុំអូរបីជាន់នាល្ងាចថ្ងៃទី១៦ខែមីនាថា ៖ មុនបាត់ខ្លួន នាងអឿន ស្រីនិច បានស្កាត់ជួបផឹកស៊ីជាមួយសង្សារចាស់ ហើយថតរូបជាមួយគ្នាផ្ញើទៅគូរដណ្តឹងទៀតផង ។
ឯព្រឹត្តិហេតុដែលថា មានករណីថាមានមនុស្សចាប់ពង្រត់ក្រៀក ចូលឡានដឹកចេញទៅក៏មិនសមដែរ ព្រោះមានគេឃើញនាងឈប់ម៉ូតូយ៉ាងយូរទើបឡានមកដល់ ហើយនាងបញ្ឈរម៉ូតូរួចដើរទៅរកឡានទេ មិនមែនឡានបើកលឿនមកឈប់ ហើយមានមនុស្សចុះមកក្រៀកចាប់អីឡើយ ។
ចំណែកថា ម្តាយមីងនាងតឹងរ៉ឹងណាស់ ព្រោះក្មួយស្រីមានរូបស្រស់ហើយចូលចិត្តស្លៀកពាក់ស៊ីចស៊ី ។
មកទល់ពេលនេះ សមត្ថភាពនគរបាលជំនាញព្រហ្មទណ្ឌ និងនគរបាលបន្តស៊ើបអង្កេតសំណុំរឿងស្នេហាត្រីកោណនេះបន្តទៀត៕ ដោយ ៖ បន្ទាយ