ស្ទឹងត្រែង៖ មន្ទីរសុខាភិបាលខេត្តស្ទឹងត្រែងប្រកាសថា ខ្មែរឥស្លាមដែលបានទៅចូលរួមកម្មវិធីអ៊ិជទីម៉ាក នៅម៉ាឡេស៊ី គឺលទ្ធផលអវិជ្ជមាន ក្រោយពីពិនិត្យសំណាក ពោលគឺគ្មានវីរុសកូវីដ-១៩នោះទេ ។
មន្ទីរសុខាភិបាលខេត្តស្ទឹងត្រែង បានឲ្យដឹងថា បងប្អូនខ្មែរឥស្លាមម្នាក់នោះ មានអាយុ៥០ឆ្នាំ ទីលំនៅភូមិស្រអែម ស្រុកជាំក្សាន ខេត្តព្រះវិហារ។ តាមរយៈលទ្ធផលវិភាគរបស់វិទ្យាស្ថានប៉ាស្ទ័រភ្នំពេញ បានបញ្ជាក់ថា មិនមានផ្ទុកជំងឺកូវីដ១៩ទេ។
មន្ទីរសុខាភិបាលខេត្តស្ទឹងត្រែង បានកំពុងបន្តធ្វើការណែនាំ ដល់ប្រជាពលរដ្ឋគ្រប់រូប ត្រូវចូលរួមទប់ស្កាត់ទាំងអស់គ្នា នូវវិធានការការពារ ជំងឺកូវីដ១៩ និងធ្វើការតាមដាន អង្កេតស្រាវជ្រាវជាប្រចាំ គិតមកដល់ត្រឹមវេលាល្ងាចថ្ងៃទី១៦ខែមីនា នៅក្នុងខេត្តស្ទឹងត្រែង គ្មានអ្នកណាម្នាក់ សង្ស័យកើតជំងឺកូវីដ១៩នោះទេ៕ដោយ៖កូឡាប