វាគឺជារឿងគួរឲ្យរន្ធត់បំផុត ដែលវីរុសកូរ៉ូណា បានផ្តាច់ជីវិតមនុស្សយ៉ាងលឿន ដោយត្រឹមរយៈពេល ២ថ្ងៃប៉ុណ្ណោះ មនុស្សចំនួនជាង ៧០០នាក់បានស្លាប់នៅក្នុងប្រទេសអ៊ីតាលី។
អ៊ីតាលី នៅថ្ងៃចន្ទបានប្រកាសថា មានអ្នកស្លាប់ដោយសារវីរុស COVID-19 ចំនួន ៣៤៩នាក់ ខណៈមនុស្ស ៣៦៨នាក់ស្លាប់កាលពីថ្ងៃអាទិត្យ បណ្តាលឲ្យតួលេខនៃអ្នកស្លាប់សរុប កើនដល់ ២.១៥៨នាក់ ដែលជាចំនួនអ្នកស្លាប់ច្រើនបំផុត បន្ទាប់ពីចិន។
ចំណែកតួលេខនៃអ្នកឆ្លងបានកើនឡើងទ្វេដង ចាប់តាំងពីថ្ងៃព្រហស្បតិ៍មក ហើយបច្ចុប្បន្ន ចំនួនអ្នកឆ្លងសរុបកើនដល់ ២៧.៩៨០នាក់។
សូមបញ្ជាក់ថា កាលពីថ្ងៃពុធកន្លងទៅនេះ អ៊ីតាលី បានប្រកាសបិទហាងលក់ទំនិញទាំងអស់ទូទាំងប្រទេស លើកលែងតែឱសថស្ថាន និងហាងលក់ម្ហូបអាហារ ដើម្បីទប់ស្កាត់ការរាតត្បាតរបស់វីរុសកូរ៉ូណា៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia