ភ្នំពេញ៖ ឧបនាយករដ្ឋមន្ត្រី ជា សុផារ៉ា ក៏បានមានប្រសាសន៍ជំរុញទៅដល់ មន្ត្រីជំនាញ អាជ្ញាធរមានសមត្ថកិច្ច ត្រូវចុះអនុវត្តន៍ច្បាប់ឲ្យមានប្រសិទ្ធភាព តាមច្បាប់គោលការណ៍នានា ចេញដោយក្រសួង ដែលមានសមត្ថកិច្ចលិខិតអនុញ្ញាតដល់ក្រុមជាង នៅតាមបណ្តរាជធានីខេត្ត ការចេញលិខិតអនុញ្ញាតសាងសង់ ទៅតាមដែនសមត្ថកិច្ចរបសខ្លួន។
លោក ឧបនាយករដ្ឋមន្ត្រី ក៏បានសំណូមពរ ទៅដល់ផ្នែកពាកព័ន្ធ ជាពិសេសរាជធានីខេត្ត គឺហាមដាច់ខាត រាល់សំណង់ដែលមិនមានច្បាប់សាងសង់ គឺមិនអនុញ្ញាតឲ្យសាងសង់ជាដាច់ខាត ដោយអនុវត្តន៍ទៅតាមច្បាប់ដែលបានចែង ដោយកំណត់ឲ្យមានការ ពិនិត្យឲ្យគ្រប់លក្ខណ្ឌតម្រូវ គ្រប់បែបយ៉ាង ពិសេសគឺការដ្ឋានសំណង់ធំៗ ដែលបានធ្វើការយ៉ាងហ្មត់ចត់ មិនត្រូវឲ្យមានការចន្លោះប្រហោងទៅដល់មន្ត្រីជំនាញ កុំឲ្យមានបញ្ហាទៅថ្ងៃក្រោយ តម្រូវឲ្យមានការ សិក្សាគម្រោងប្លង់ច្បាស់លាស់ពីក្រុមហ៊ុនគម្រោងប្លង់ សិក្សារួចរាល់ ទើបអនុញ្ញាតឲ្យសាងសង់ទៅតាមក្រោយ។
ឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដីនគររូបនីយកម្ម និងសំណង បានថ្លែងក្នុងពិធីផ្សព្វផ្សាយច្បាប់ស្តីពីសំណង់ និងលិខិតបទដ្ឋានរបស់ក្រសួងរៀបចំដែនដី នគររូបនីយកម្ម និងសំណង់ ទៅដល់ រដ្ឋបាលរាជធានីភ្នំពេញ ជាប្រធាន អនុប្រធាន ក្រុមប្រឹក្សា អភិបាលរាជធានី សមាជិក សាមជិការ ខណ្ឌ សង្កាត់ និងក្រុមការងារជាច្រើនរូប នៅថ្ងៃទី១៥ ខែមីនា ឆ្នាំ២០២០ នាសាលាក្រុងភ្នំពេញ។
នៅក្នុងឱកាសនោះ លោក ឧបនាយករដ្ឋមន្ត្រី មានប្រសាសន៍ថា រាជធានីភ្នំពេញ មានការអភិវឌ្ឍន៍ជឿនលឿន ទាំងហេដ្ឋារចនាសម្ព័ន្ធ និងបណ្តាសំណង់ដទៃទៀតជាច្រើន ទាំងសន្តិសុខសណ្តាប់ធ្នាប់ យ៉ាងល្អប្រសើរ ដើម្បីឲ្យមណ្ឌលរាជធានីមួយនេះ ស័ក្តិសមជាទីកន្លែងដែលប្រមូលផ្តុំនូវ សេដ្ឋកិច្ច វប្បធម៌ពាណិជ្ជកម្មនិ ជាបេះដូងនៃព្រះរាជាណាចកម្ពុជា។
លោក ឧបនាយករដ្ឋមន្ត្រី និងជារដ្ឋមន្ត្រីក្រសួងរៀបចំដែនដីមានប្រសាសន៍បន្តថា ការផ្សព្វផ្សាយច្បាប់ស្តីពីសំណង់នេះ មានសារសំខាន់ចង់ឲ្យអាជ្ញាធរគ្រប់លំដាប់ថ្នាក់ ក៏ដូចជាស្ថាប័នពាក់ព័ន្ធទាំងអស់ក្រុម មានក្រុមហ៊ុន ក្រុមជាង ត្រូវចូលរួមឯកភាព នៅក្នុងស្មារតីទទួលខុសត្រូវខ្ពស់ អនុវត្តន៍នូវច្បាប់សំណង់ ដែលចាត់ទុកជាម៉ែត្រវាស់ ឲ្យចាប់អារម្មណ៍អំពីការគ្រប់គ្រប់គ្រង ការគិតគូរ ទៅលើវិស័ខាងលើនេះ ដែលនៅមាន ១១២ជំពូក និង១១២មាត្រា ។
លោក ឧបនាយករដ្ឋមន្ត្រី ជា សុផារ៉ា មានប្រសាសន៍បន្តថា មិនត្រឹមតែប៉ុណ្ណោះគោលបំណងនៃការផ្សព្វផ្សាយនេះដែរ គោលបំណងទី១ ចង់ឲ្យអាជ្ញាធរ ក៏ដូចជាមន្ត្រីជំនាញទាំងអស់យល់ដឹង អំពីគោលការណ៍ និងវិធានការសំខាន់ៗ ដើម្បីធានាអនុវត្តន៍ឲ្យបានត្រឹមត្រូវ មានការឯកភាពគ្នា បំពេញតួនាទី និងសមត្ថកិច្ច របស់ខ្លួនប្រកបទៅដោយការទទួលខុសត្រូវ គោលបំណងទី២ ជំរុញការលើកកម្ពស់ក្រមសិលធម៌ វិជ្ជាជីវៈ របស់អ្នកវិជ្ជាជីវៈ និងក្រុមហ៊ុនដែលប្រកបអាជីវកម្ម នៅក្នុងវិស័យសំណង់ គោលបំណងទី៣ បង្កើនប្រសិទ្ធភាពក្នុងការគ្រប់គ្រងវិស័យសំណង់ ឲ្យស្របទៅតាមការវិត្តន៍ នៃកំណើនសេដ្ឋកិច្ចជាតិ តាមរយៈការបង្កើនជំនឿទុកចិត្តរបស់ វិនិយោគិន និងអតិថិជន នៅក្នុងវិស័យសំណង់។
លោក ឧបនាយករដ្ឋមន្ត្រី មានប្រសាសន៍បញ្ជាក់ថា ការផ្សព្វផ្សាយនេះ ក៏បានរៀបចំជាយន្តការលម្អិត ដោយការបណ្តុះបណ្តាលគ្រូជំនាញ សម្រាប់មន្ត្រីជំនាញពាក់ព័ន្ធទៅនិងក្រុសួងមាន ចំនួន ៥៨៨ រូប បានធ្វើការបណ្តុះបណ្តាលគ្រូចំនួន ៥៨៨ រូប ដើម្បីផ្សព្វផ្សាយលំអិតអំពីច្បាប់ ជាមួយគ្នានេះក៏បានផ្សព្វផ្សាយទៅដល់វិស្វករដែលបានចុះបញ្ជី វិស្វករ ស្ថាបត្យករ អ្នកទាំងពីរនេះគឺជាជាអ្នករៀបចំទទួលខុសត្រូវទៅលើគុណភាព បទដ្ឋានបច្ចេកទេសសំណង់ ក៏ដូចជាអ្នកត្រូវរៀបចំនៅ តាមបណ្តាការដ្ឋានសំណង់បានចំនួន ៣២៨៩ រូប ដោយក្នុងនោះវិស្វករ ៦៥ ភាគរយ ស្ថាបត្យករ៩១ភាគរយ ហើយក្រសួងក៏បានផ្សព្វផ្សាយទៅដល់ក្រុមហ៊ុនទាំងអស់ នៅព្រះរាជាណាចក្រកម្ពុជា ទាំងខ្មែរ និងបរទេស ដែលបានចុះបញ្ជីនៅក្នុងក្រសួងរៀបចំដែនដីនគររូបនីយកម្ម និងសំណង់ បានចំនួន ៩៧៣នាក់ ។
លោកបានបញ្ជាក់បន្តថា ការផ្សព្វផ្សាយនេះ មានគោលបំណងពិសេស គឺនៅពេលច្បាប់នេះបានចេញរួចហើយ គឺត្រូវអនុវត្តន៍ច្បាប់ ដោយសារតែមានការគ្រប់គ្រង ទៅលើការងារនេះ គឺត្រូវផ្សព្វផ្សាយច្បាប់នេះ និងចែកជូនវិញ្ញាបនបត្រ ទៅដល់អ្នកដែលបានចូលរួមការផ្សព្វផ្សាយ ដែលរៀបំឡើងដោយក្រសួង។ ទៅថ្ងៃខាងមុខនេះ ក្រុមជាង គឺនឹងត្រូវរឹតបណ្តឹងច្បាប់ ឲ្យស្ថិតនៅក្រោមច្បាប់ ដើម្បីតម្រង់ទិសឲ្យមានការអនុវត្តន៍ឲ្យមាការទទួលខុសត្រូវ ធានានូវប្រសិទ្ធភាពខ្ពស់បង្កើនជំនឿទុកចិត្ត ដល់អ្នកវិនិយោគិន នៅក្នុងវិស័យសំណង់ ដែលមានអាជ្ញាប័ណ្ណត្រឹមត្រូវ៕ដោយ៖កូឡាប
