ភ្នំពេញ ៖ នៅព្រឹកថ្ងៃទី១៧ ខែមករា ឆ្នាំ២០១៨នេះ សិប្បកម្ម ផលិតស្ករត្នោតកែច្នៃពីរទីតាំង ត្រូវបានសមត្ថកិច្ចចម្រុះ រួមមានមន្ត្រីកាំកុងត្រូល នគរបាលសេដ្ឋកិច្ច អាជ្ញាធរមូលដ្ឋាន ដឹកនាំដោយលោកហ៊ឹង ប៊ុនថន ព្រះរាជអាជ្ញារង អមសាលាដំបូងរាជធានីភ្នំពេញ បានចុះបង្ក្រាប ។
សមត្ថកិច្ចបានឲ្យដឹងថា ទីតាំងទាំងពីរនេះ ស្ថិតនៅផ្ទះលេខ២១៥ និងផ្ទះលេខ២១៩ ផ្លូវលេខ៣៦៩ សង្កាត់ច្បារអំពៅទី១ ខណ្ឌច្បារអំពៅ ។
ក្រោយការចុះពិនិត្យ សមត្ថកិច្ចបាននាំម្ចាស់សិប្បកម្មផលិតស្ករត្នោត ទៅកាន់នាយកដ្ឋានប្រឆាំងបទល្មើសសេដ្ឋកិច្ច ដើម្បីធ្វើការ សួរនាំ និងនាំយកទាំងវត្ថុតាងជាច្រើន រួមមាន ស្ករត្នោតស្ករស ម្សៅស និងវត្ថុផ្សេងទៀត ដែលអាចបន្លែងទៅជាស្ករត្នោត ដើម្បីធ្វើតេស្តរកមើល សារធាតុគីមី ដែលធ្វើប៉ះពាល់សុខភាពប្រជាពលរដ្ឋ ដែររឺអត់ ។
ម្ចាស់ទីតាំង ដែលសមត្ថកិច្ចនាំយកទៅកាន់នាយកដ្ឋានប្រឆាំងបទល្មើសសេដ្ឋកិច្ច ឈ្មោះ ឆែ គីម ភេទស្រី អាយុ ៥៨ឆ្នាំ ៕ ដោយ៖បញ្ញាស័ក្តិ