ភ្នំពេញ : បុរសជនសង្ស័យជនជាតិចិនម្នាក់ត្រូវកម្លាំងនគរបាល ធ្វើការបង្ក្រាបបានជនសង្ស័យភ្លាម ៗក្រោយពីប្រជាពលរដ្ឋរាយការណ៍ថា ជនជាតិចិនប្រើប្រាស់កាំភ្លើងខុសច្បាប់ ។
ហេតុការណ៍នេះកើតឡើង កាលវេលាម៉ោង៤និង៣០នាទីទៀប ភ្លឺថ្ងៃទី១៧ ខែ មីនឆ្នាំ ២០២០នៅចំណុចអគារព្រីម ផ្លាហ្សា តាមផ្លូវព្រះនរោត្ដម សង្កាត់ ទន្លេបាសាក់ ខណ្ឌចំការមន ។
ជនសង្ស័យឈ្មោះ XIE YENG ភេទប្រុស អាយុ
៤២ឆ្នាំ ជនជាតិចិន ស្នាក់នៅ ផ្ទះលេខ១៧ ផ្លូវសហព័ន្ធរុស្ស៊ី សង្កាត់ទឹកថ្លា ខណ្ឌសែនសុខ ភ្នំពេញ មុខរបរមេការរោងចក្រផលិតស្លា គ្មានលិខិតឆ្លងដែន ។
វត្ថុតាងដកហូតមាន កាំភ្លើងខ្លី១ដើម ម៉ាកK54 ពណ៌ខ្មៅ បង់១ គ្រាប់៤ គ្រាប់ រួមនឹងឧបករណ៍សម្រាប់ជក់គ្រឿងញៀនមួយកំប្លេ មុនកើតហេតុកម្លាំងនគរបាល ទទួលព័ត៌មានពីប្រជាពលរដ្ឋសង្ស័យជនជាតិចិន មានអាវុធខ្លី ក្រោយមកក៏កម្លាំងនគរបាលព្រហ្មទណ្ឌ សហការនគរបាលប៉ុស្តិ៍ ចុះទៅឃាត់បុរសជនសង្ស័យ នៅអគារកើតហេតុខាងលើ ។
លោក ផន អូន អធិការរងខណ្ឌចំការមន បានបន្តថា ក្រោយពីការចុះធ្វើការឃាត់ខ្លួនជនសង្ស័យ បាននិងសួររកអាវុធខ្លី ហើយជនសង្ស័យឆ្លើយថា មិនបានដឹងរឿងអ្វីទេ តែសាក្សីសន្តិសុខបានប្រាប់ថា បុរសជនជាតិចិន បង្កហិង្សា និងដកអាវុធខ្លី គំរាមទៅលើជនជាតិចិនដូចគ្នា ក្រោយមកតាមទៅមើលកន្លែង ដែលជនជាតិចិនរត់ចូលបន្ទប់ទឹករួច ជននោះទៅឆែកទើបឃើញថង់ខ្មៅ ក្នុងនោះមានកាំភ្លើងខ្លីម៉ាកK54 ចំនួន១ដើម និងឧបករណ៍សម្រាប់ជក់គ្រឿងញៀន១កំប្លេ ហើយក៏នាំខ្លួនមកសាកសួរនាំ នៅអធិការដ្ឋាននគរបាលខណ្ឌចំការមន ដើម្បីចាត់ការតាមផ្លូវច្បាប់៕ដោយ៖បញ្ញាស័ក្តិ