ខេត្តកណ្តាល៖ នាវាទេសចរណ៍ចំនួន៥ គ្រឿងដែលប្រទេសវៀតណាមមិនអនុញ្ញាតឲ្យចត ផ្ទុកមនុស្សសរុប ២០០នាក់ ត្រូវបានអាជ្ញាធរជួយសង្គ្រោះ ហើយនាវាចំនួន៥គ្រឿងបានធ្វើតេស្តរួចហើយមិនមានវីរុសកូវីដ១៩ទេ ។
នៅព្រឹកថ្ងៃទី១៧ ខែមីនា ឆ្នាំ២០២០ លោកគង់ សោភ័ណ្ឌ អភិបាល នៃគណៈអភិបាលខេត្តកណ្តាល និងលោក រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន បានដឹកនាំមន្ត្រីជំនាញ អ្នកពាក់ព័ន្ធ និងមន្ត្រីចត្តាឡីស័ក បានធ្វើការពិនិត្យ លេីនាវាទេសចរណ៍ចំនួន៥ គ្រឿងដែលប្រទេសវៀតណាមមិនអនុញ្ញាតឲ្យចត។
កាលពីល្ងាចថ្ងៃទី១៦ ខែមីនា នេះ មាននាវាចំនួន២គ្រឿង ដែលបានធ្វើតេស្តរួចហេីយ មិនបានរកឃេីញមានមេរោគCovid-19 នោះទេ។
សូមបញ្ជាក់ថា នាវាចំនួន២ គ្រឿងដែលបានធ្វើតេស្តនេះ មិនមានភ្ញៀវទេសចរណនោះទេ គឺមានតែនាវិក និងអ្នកបម្រើការនៅលេីនាវានេះ ។
ហេីយនៅវេលាម៉ោង១២និង៤៥នាទី ថ្ងៃទី១៧ ខែមីនា នេះ មន្ត្រីជំនាញចត្តាឡីស័ក បាននិងកំពុងធ្វើតេស្ត រកមេរោគCovid-19 ទៅនាវាចំនួន៣គ្រឿងទៀត ជាលទ្ធផលមិនមានរកឃេីញអ្នកមេរោគCovid-19ឡេីយ។ បន្ទាប់ពីធ្វើការពិនិត្យរួចមក នាវាទាំង៥គ្រឿង ត្រូវបានអាជ្ញាធរ ក៏ដូចជាមន្ត្រីជំនាញ អនុញ្ញាតឲ្យ ធ្វើដំណើរទៅកំពង់ផែស្វយត័ភ្នំពេញ។
សូមបញ្ជាក់ថា នាវាទាំង ៥គ្រឿងផ្ទុកមនុស្សសរុប ២០០នាក់ ក្នុងនោះអ្នកទេសចរ ៧៧នាក់, អ្នកបម្រើការងារ និងនាវិក ១២៣នាក់៕ ដោយ៖កូឡាប
