ស្រីស្រស់អាមេរិកម្នាក់ បានកំពុងរងការស្តីបន្ទោសយ៉ាងចាស់ដៃ នៅលើបណ្តាញសង្គម បន្ទាប់ធ្វើនូវរឿងដ៏គួរឲ្យស្អប់ខ្ពើម «លិទ្ធចានបង្គន់លើយន្តហោះ» និងផុសវីដេអូដាក់ចំណងជើងថា៖ «coronavirus challenge» កាលពីថ្ងៃទី១៥ ខែមីនា ឆ្នាំ២០២០ ស្របពេលដែលវីរុសកូវីត១៩ កំពុងផ្ទុះទូទាំងសកលលោក ហើយនៅអាមេរិកនាពេលនេះ មានចំនួនអ្នកស្លាប់កើនដល់ ៦៨ នាក់ និងយ៉ាងតិច ៣៧០០ ករីណវិជ្ជមាន ។
ស្រីស្រស់រូបនេះ ដែលត្រូវបានគេដឹងថាមានអាខោន Tik Tok ឈ្មោះ @avalouiise និងមានឈ្មោះពិត Ava Louise អាយុ ២២ ឆ្នាំ មកពី Miami ត្រូវបានឃើញកំពុងលិទ្ធចានបង្គន់ ខណៈនាងកំពុងនៅក្នុងបន្ទប់ទឹកយន្តហោះ ។
តាមរយៈវីដេអូ ៦ វិនាទី នាងបានសរសេរបែបឆ្កួតៗថា៖ “សូមបញ្ជូនវីដេអូនេះ ដើម្បីឱ្យមនុស្សដឹងពីរបៀបធ្វើអនាម័យឲ្យបានត្រឹមត្រូវនៅលើយន្តហោះ” ។
ចាប់តាំងពីវីដេអូរបស់នាងបានផ្ទុះឡើង ក្នុងនោះ លោកស្រី Meghan McCain បានទាមទារឲ្យគ្រប់គ្នានៅលើបណ្តាញសង្គម ជំរុញឲ្យមានការចាប់ខ្លួននាងដាក់គុក ។
អ្នកដទៃទៀតបាននិយាយទាំងកំហឹងថា ត្រូវតែហៅនាងនេះមកទះកំផ្លៀងឲ្យចាស់ដៃម្តង ដើម្បីទុកជាមេរៀន ខណៈមនុស្សពេញមួយពិភពលោក កំពុងជ្រួលច្របល់ចំពោះការផ្ទុះឡើងនៃវីរុសកូរ៉ូណា ១៩ បែរជានាងមកធ្វើរឿងឆ្កួតឡប់បែបនេះទៅវិញ ។
បើទោះជានាង Louise ដាក់ចំណើងនៃទង្វើនេះថា «coronavirus challenge» ក៏ដោយ ក៏វាមិនបានលេចឡើងទៅក្នុងបណ្តាញសង្គម ដែលអ្នកដទៃទៀត កំពុងអនុវត្តវានាពេលនេះទេ ៕
ដោយ៖ លឹម ហុង (ប្រភព៖ foxnews)
Y’all participating in the new Corona Challenge? This is on a plane btw… pic.twitter.com/w1XwVRZd87
— Cash ✌?HYPE (@CashNastyGaming) March 15, 2020