ប្រទេសអ៊ីតាលី នឹងឲ្យវេជ្ជបណ្ឌិតកំពុងសិក្សាចំនួន ១០.០០០ប្រញាប់ប្រញាល់ ចូលបម្រើការ ដោយមិនបាច់ឲ្យពួកគេប្រឡងបញ្ចប់ឡើង ដែលជាកិច្ចប្រឹងប្រែង ដើម្បីជួយប្រយុទ្ធប្រឆាំងនឹងវីរុសកូរ៉ូណា ដែលបានផ្តាច់ជីវិតមនុស្សរាប់ពាន់នាក់។
ត្រឹមតែរយៈពេល ២៤ម៉ោងប៉ុណ្ណោះ មានមនុស្សចំនួន ៣៤៥នាក់បន្ថែមទៀតស្លាប់ ដែលធ្វើឲ្យតួលេខស្លាប់សរុបកើនដល់ ២.៥០៣នាក់ ខណៈដែលការឆ្លងបានកើនដល់ចំនួន ៣១.៥០៦ករណី។
អ៊ីតាលី ជាប្រទេសទី ២ ដែលមានអ្នកស្លាប់ និងឆ្លងវីរុសកូរ៉ូណា ច្រើនបំផុត បន្ទាប់ពីចិន។
សូមបញ្ជាក់ថា កាលពីថ្ងៃពុធកន្លងទៅនេះ អ៊ីតាលី បានប្រកាសបិទហាងលក់ទំនិញទាំងអស់ទូទាំងប្រទេស លើកលែងតែឱសថស្ថាន និងហាងលក់ម្ហូបអាហារ ដើម្បីទប់ស្កាត់ការរាតត្បាតរបស់វីរុសកូរ៉ូណា៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia
