ភ្នំពេញ៖ ប្រមុខទ័ពមួកខៀវកម្ពុជា សូមឲ្យនាយទាហាន នាយទាហានរង និងពលទាហានទាំងអស់ ជាកម្លាំងមួកខៀវ កំពុងបំពេញបេសកកម្មក្រោមឆត្រអង្គការសហប្រជាជាតិ ទាំងតាមបណ្តាកង ទាំងនាយទាហានសេនាធិការ និងនាយទាហានសង្កេតការណ៍ ត្រូវចាត់វិធានការ ការពារ និងចូលរួមទប់ស្កាត់ ការរីករាលដាលជំងឺកូវីដ១៩។
នាយឧត្តមសេនីយ៍ សែម សុវណ្ណនី អនុប្រធានគណៈកម្មាធិការជាតិ និងជាអគ្គនាយកមជ្ឈមណ្ឌលជាតិរក្សាសន្តិភាព កាលពីថ្ងៃទី១៧ខែមីនា បានឲ្យយោធិនមួកខៀវទាំងអស់ ដែលបានច្បាប់សម្រាក គិតចាប់ពីថ្ងៃជូន ដំណឹងនេះតទៅ ត្រូវមកធ្វើតេស្តពិនិត្យររកមេរោគកូវីដ១៩ នៅមន្ទីរពេទ្យរុស្ស៊ី ឬវិទ្យាស្ថានប៉ាស្ទ័រ ជាកំហិត ដោយសហការជាមួយគ្រូពេទ្យមជ្ឈមណ្ឌលជាតិ ហើយតម្រូវស្ថិតនៅដាច់ដោយឡែកពីគេ (Self-Isolation) រយៈពេល១៤ថ្ងៃ។ ចំណែកយោធិនដែលទើបចប់ច្បាប់ឈប់សម្រាក ហើយត្រូវត្រឡប់ទៅកាន់តំបន់បេសកកម្មវិញ ក៏តម្រូវឲ្យស្ថិតនៅដាច់ដោយឡែកពីគេ រយៈពេល១៤ថ្ងៃ ដូចគ្នាដែរ (ដោយអនុលោមតាម បទបញ្ជាបេសកកម្មនីមួយៗ)។
លោកនាយឧត្តមសេនីយ៍ សែម សុវណ្ណនី បានបញ្ជាក់ថា គ្រប់នាយទាហាន នាយទាហានរង និងពលទាហានទាំងអស់ ជាកម្លាំងមួកខៀវ ដែលកំពុងបំពេញ បេសកកម្មក្រោមឆ័ត្រ អង្គការសហប្រជាជាតិ ទាំងតាមបណ្តាកង ទាំងនាយទាហានសេនាធិការ និង នាយទាហានសង្កេតការណ៍ ត្រូវចាត់វិធានការការពារ និងចូលរួមទប់ស្កាត់ ការរីករាលដាលជំងឺ កូវីដ១៩ ដោយរួមគ្នាអនុវត្តនូវវិធានការដូចខាងក្រោម៖
១- យោធិនមួកខៀវទាំងអស់ ដែលបានច្បាប់ សម្រាកគិតចាប់ពីការជូនដំណឹងនេះតទៅ ត្រូវមកធ្វើតេស្ដពិនិត្យ មេរោគកូវីដ១៩ នៅមន្ទីរពេទ្យរុស្សី ឬ វិទ្យាស្ថានប៉ាស្ទ័រជាកំហិត ដោយសហការជាមួយគ្រូពេទ្យមជ្ឈមណ្ឌលជាតិ ហើយត្រូវស្ថិតនៅដាច់ដោយឡែកពីគេ (Self-Isolation) រយៈពេល ១៤ថ្ងៃ។ ចំណែកយោធិនដែលទើប ចប់ច្បាប់ ឈប់សម្រាក ហើយត្រូវត្រឡប់ទៅកាន់តំបន់បេសកកម្មវិញ ក៏តម្រូវឲ្យស្ថិតនៅដាច់ដោយឡែកពីគេ (Self-Isolation) រយៈពេល១៤ថ្ងៃដូចគ្នាដែរ (ដោយអនុលោមតាម បទបញ្ជាបេសកកម្មនីមួយៗ)។
២-យោធិននៃបណ្តាកងនាយទាហានសេនាធិការ និង នាយទាហានសង្កេតការណ៍ ដែលកំពុងបំពេញ បេសកកម្ម ហើយបានប្រាស្រ័យទាក់ទងជាមួយបុគ្គល ដែលមានផ្ទុកមេរោគកូវីដ១៩ ត្រូវជូនដំណឹងមកមេបញ្ជាការ ឬមេបញ្ជាការប្រចាំបញ្ហាជាដាច់ខាត ដើម្បីចាត់វិធានការការពារ និងព្យាបាលឲ្យបានទាន់ពេលវេលា ហើយយោធិនរូបនោះ ត្រូវស្ថិតនៅដាច់ដោយឡែកពីគេ រយៈពេល១៤ថ្ងៃដូចគ្នាដែរ។ ៣-គ្រប់ពេលដែលយោធិនណាម្នាក់ ត្រឡប់ពីបំពេញបេសកកម្មខាងក្រៅ បុគ្គលិកពេទ្យនៃកងនីមួយៗ ត្រូវតែចាត់វិធានការវាស់កម្ដៅ និងបាញ់ថ្នាំសម្អាតសម្លាប់មេរោគជាដាច់ខាត មុនពេលអនុញ្ញាតឱ្យចូលក្នុងបន្ទាយវិញ។ ៤- ត្រូវបង្កើតគណៈកម្មការតាមដាន និងពិនិត្យសុខភាពជាប្រចាំ ដល់យោធិនគ្រប់រូប។ ៥-ត្រូវពាក់ម៉ាស់អនាម័យ និងលាងដៃជាប់ជាប្រចាំ ព្រមទាំងរក្សាគន្លាតយ៉ាងហោចណាស់ពី ១ម៉ែត្រទៅ២ម៉ែត្រ។ ៦- ត្រូវសម្អាតអនាម័យតាមផ្ទះបាយ កន្លែងស្នាក់នៅ បន្ទប់ទឹក ពិសេសកន្លែងដែលមានមនុស្សប្រើប្រាស់ច្រើន និងសម្អាតវត្ថុដែលប្រើរួមគ្នាយ៉ាងតិច២ដងក្នុងមួយថ្ងៃ ព្រមទាំងធធ្យោបាយ ធ្វើដំណើរជាប់ជាប្រចាំ មុនចេញប្រតិបត្តិការ។ ៧- ត្រូវជៀសចេញពីអំឡុងពេល និងទីកន្លែង ដែលមានមនុស្សចេញ-ចូលច្រើន។ ៨- ត្រូវប្រជុំជួរ ផ្សព្វផ្សាយ អប់រំ ណែនាំ ដាក់វិធានការរៀងរាល់ព្រឹក មុនបំពេញភារ កិច្ចដល់កងទាំងមូល។ ៩-ត្រូវធ្វើបច្ចុប្បន្នភាព និងរាយការណ៍ជាប្រចាំ នូវស្ថានភាពសុខភាពនៃយោធិន មួកខៀវទាំងអស់មកមជ្ឈ មណ្ឌលជាតិ ជារៀងរាល់ថ្ងៃឱ្យបានមុនម៉ោង ១៧:០០ (ម៉ោងនៅកម្ពុជា) ៕ដោយ៖កូឡាប