ភ្នំពេញ៖ ដើម្បីបង្ការនិងទប់ស្កាត់ជាបន្ទាន់ដល់ការរាតត្បាតនៃវីរុសកូវីដ១៩ ក្រសួងអប់រំ យុវជន និងកីឡា សហការជាមួយក្រុមហ៊ុន A.Z.E Innovation Tech Co.,LTD បានប្រកាសឲ្យប្រើបច្ចេកវិទ្យាការបង្រៀនពីចម្ងាយដោយប្រព័ន្ធ E-School Cambodia ជូនសិស្សានុសិស្សពីថ្នាក់ទី១ ដល់ទី១២។
បើតាមសេចក្ដីប្រកាសព័ត៌មានស្ដីពីកិច្ចសហការរវាងក្រសួងអប់រំ យុវជន និងកីឡា ជាមួយក្រុមហ៊ុន A.Z.E Innovation Tech Co.,LTD សម្រាប់បច្ចេកវិទ្យាការបង្រៀនពីចម្ងាយដោយប្រព័ន្ធ E-School Cambodia ជូនសិស្សានុសិស្សពីថ្នាក់ទី១ ដល់ទី១២។
សិស្សអាចទទួលបានវីដេអូស្ដីពីការបង្រៀនដោយឥតគិតថ្លៃពីលោកគ្រូ អ្នកគ្រូចំណាន តាមមធ្យោបាយចំនួន៣រួមមាន៖
– បណ្ដាញ Youtube ផ្លូវការរបស់ក្រសួងគឺ៖ www.youtube.com/moeys
– ទំព័រ Facebook ផ្លូវការរបស់ក្រសួងគឺ៖ www.facebook.com/moeys.gov.kh
– មជ្ឈមណ្ឌលសិក្សាអេឡិចត្រូនិករបស់ក្រសួងគឺ ៖ elearning.moeys.gov.kh
ការបង្រៀនទាំងអស់បានអនុលោមតាមកម្មវិធីសិក្សាផ្លូវការ របស់ក្រសួង ហើយបង្រៀនដោយលោកគ្រូអ្នកគ្រូដែលមានបទពិសោធន៍ខ្ពស់។ ក្រៅពីទស្សនាវីដេអូនបង្រៀនតាមមេរៀន និងមុខវិជ្ជានីមួយៗសិស្សានុសិស្សទាំងអស់អាចសួរសំណួរនៅក្នុងវេទិកាសំណួរចម្លើយ ដេលមាននៅក្នុងប្រព័ន្ធ E-School Cambodia។ នៅពេលខាងមុខនេះក្រសួងនឹងរៀបចំការបង្រៀនដោយបច្ចេកវិទ្យាការបង្រៀនពីចម្ងាយបន្ថែមទៀត សម្រាប់កម្រិតថ្នាក់មត្តេយ្យសិក្សានិងមុខវិជ្ជាវិទ្យាសាស្ត្រសង្គម តាមលទ្ធភាពដែលធ្វើទៅបាន។
ក្រសួងសូមអំពាវនាវដល់គ្រប់អ្នកនវានុវត្តន៍សង្គម និងក្រុមអ្នកបច្ចេកវិទ្យាក្នុងវិស័យអប់រំ តាមបែបឌីជីថលមេត្តាចូលរួមសហការជាមួយក្រសួង ក្នុងការស្វែងរក និងផ្តល់ដំណោះស្រាយបែបឌីជីថល ដើម្បីពង្រឹង និងពង្រីកការផ្តល់សេវាអប់រំជូនដល់សិស្សានុសិស្ស ប្រកបដោយសមធម៌ និងគុណភាព៕ ដោយ៖កូឡាប
